ଶୈଶବରେ ବୃଦ୍ଧାବସ୍ଥା: ବୟସ ୪ କିନ୍ତୁ ଚେହେରା ୬୪

ସାଧାରଣତଃ ଆମେ ଛୋଟ ପିଲା ଦେଖିଲେ ତାକୁ ସ୍ନେହ କରିବାକୁ ପଛାନ୍ତି ନାହିଁ। ତାର ମିଠା ମିଠା ହସ ସମସ୍ତଙ୍କ ମନକୁ ପ୍ରଫୁଲ୍ଲ କରି ଦେଇଥାଏ। ହେଲେ ବଙ୍ଗଳାଦେଶର ମାଗଗୁରା ନିବାସୀ ୪ ବର୍ଷର ବାଳକ ବାଇଜିଦ୍‌କୁ ଦେଖିଲେ ଆପଣ ଭୟଭୀତ ହୋଇଯିବେ। ଏବେ ତାର ଶୈଶବ, କିନ୍ତୁ ହସିଲା ଖେଳିଲା ବୟସରେ ସେ ଦେଖାଯାଉଛି ଜଣେ ବୃଦ୍ଧ ମଣିଷ ପରି। ସଧାରଣତଃ ଆମ ପରିବାରରେ ଶିଶୁଟିଏ ଜନ୍ମ ହେଲେ, ସମସ୍ତଙ୍କ ଭିତରେ ଖୁସି ଭରିଯାଏ । କିନ୍ତୁ ବାଇଜିଦ୍‌ର ପରିବାରରେ ଖୁସି ନଥିଲା। ଏହାର କାରଣ ହେଲା ଶିଶୁ ବାଇଜିଦ୍‌ର ଚେହେରା। ଆଉଏକ ଆଶ୍ଚର୍ଯ୍ୟକର କଥା ହେଲା, ବାଇଜିଦ୍‌ ଜନ୍ମ ବେଳେ ତା ମା’ଙ୍କ ବୟସ ଥିଲା ମାତ୍ର ୧୪ ବର୍ଷ। ଶିଶୁର ଏପରି ଚେହେରା ଦେଖି ବାପା ମାଆଙ୍କ ଭିତରେ ବିଷାଦ ଘେରି ଯାଇଥିଲା।

ବାଇଜିଦ୍‌ଙ୍କୁ ସୁସ୍ଥ କରିବା ପାଇଁ ତାଙ୍କ ପରିବାର ଲୋକେ ବହୁ ଚେଷ୍ଟା କରିଛନ୍ତି। ଜନ୍ମରୁ ହିଁ ତା ଚର୍ମ ଲୋଚାକଚା ହୋଇ ଯାଇଥିଲା। ପିଠିରେ କେଶ ଓ ସଂପୂର୍ଣ୍ଣ ଶରୀର ଦୁର୍ବଳ ଥିଲା। ବାଇଜିଦ୍‌ କୌଣସି ମାରାତ୍ମକ ରୋଗରେ ପୀଡ଼ିତ ଥିବା ଆଶଙ୍କା କରାଯାଉଛି।