ଭାରତରେ ଶିଶୁଙ୍କ ସ୍ଥିତି ଅତି ଦୟନୀୟ। ପ୍ରତିବର୍ଷ ଅପପୃଷ୍ଟିରେ ୧୦ ଲକ୍ଷରୁ ଅଧିକ ଶିଶୁଙ୍କ ମୃତ୍ୟୁ ଘଟୁଛି। ୧୦ କୋଟିରୁ ଅଧିକ ଶିଶୁଙ୍କ ଭାଗ୍ୟରେ ଏବେ ବି ସ୍କୁଲ ଯିବାର ସୌଭାଗ୍ୟ ଜୁଟିନି। ସମାଜିକ ଓ ଅନୈତିକ ସମର୍ଥନ ଅଭାବରୁ ବିଦ୍ୟାଳୟରେ ପଢୁଥିବା ପିଲାଙ୍କ ମଧ୍ୟରେ ଆତ୍ମହତ୍ୟା ପ୍ରବଣତା ବଢିବାରେ ଲାଗିଛି। ଏହା ଆମେ କହୁନାହୁଁ। ‘ସେଭ୍ ଡି ଚିଲଡ୍ରେନ୍’ ଦ୍ୱାରା କରାଯାଇଥିବା ସର୍ଭେର ରିପୋର୍ଟ କହୁଛି।
ଗୁରୁତ୍ୱପୂର୍ଣ୍ଣ କଥା ହେଲା ପୋଡଶୀ ରାଷ୍ଟ୍ର ମିଆଁମାର, ଭୁଟାନ, ଶ୍ରୀଲଙ୍କା ଓ ମାଳଦୀପକୁ ପଛରେ ପକାଇ ଭାରତ ଏହି ତାଲିକାର ୧୧୬ ତମ ସ୍ଥାନରେ ରହିଛି।
ଶିଶୁ ସ୍ୱାସ୍ଥ୍ୟ, ଶିକ୍ଷା, ବାଧ୍ୟବାଧକତା, ବିବାହ, ଜନ୍ମ, ହିଂସା ସହ ଆଠଟି ପ୍ରଦର୍ଶନକୁ ଆଧାର କରି ଏହି ତାଲିକା ପ୍ରକାଶ ପାଇଛି।
ଚୀନରୁ ଆଗରେ ଭାରତ: ଜନସଂଖ୍ୟା ତୁଳନାରେ ପୋଡଶୀ ଚୀନ ଭାରତରୁ ଆଗରେ ରହିଛି। ମାତ୍ର ଶିଶୁସଂଖ୍ୟାରେ ଭାରତ ଚୀନକୁ ପଛରେ ପକାଇ ଦେଇଛି। ଏକ ରିପୋର୍ଟ ଅନୁସାରେ ଗତ ୪ ବର୍ଷ ମଧ୍ୟରେ ବିଶ୍ୱରେ ଥିବା ଶିଶୁଙ୍କ ସଂଖ୍ୟାର ୨୦ ପ୍ରତିଶତ କେବଳ ଭାରତରେ ଅଛନ୍ତି।
ଶିଶୁ ଶ୍ରମିକ ଜଟିଳ ସ୍ଥିତିରେ: ଶିଶୁ ଶ୍ରମିକଙ୍କ କଥା ନ କହିବା ଭଲ। ୨୦୧୧ ଜନଗଣନା ଅନୁସାରେ ଦେଶରେ ୫ରୁ ୧୪ବର୍ଷ ପର୍ଯ୍ୟନ୍ତ ବୟସର ଶିଶୁ ଶ୍ରମିକଙ୍କ ସଂଖ୍ୟା ୧ କୋଟିରୁ ଅଧିକ ଥିଲା। ଯାହା ଏବେ ଆହୁରି ବଢି ଯାଇଛି। ଦେଶରେ ୫ରୁ ୧୮ବର୍ଷ ମଧ୍ୟରେ ୩ରୁ ୩୦ କୋଟି ପର୍ଯ୍ୟନ୍ତ ପିଲା ମଜୁରୀ କରୁଛନ୍ତି।
ଅପରାଧ: ଦେଶରେ କେବଳ ଶିଶୁମାନେ ଅବହେଳିତ ହୋଇ ରହି ନାହାନ୍ତି। ସେମାନଙ୍କ ଉପରେ ଅତ୍ୟାଚାର ଓ ନିର୍ଯାତନା ମଧ୍ୟ ବଢିବାରେ ଲାଗିଛି। ଶୁଶୁ ଅପହରଣ କଥା ଏଠାରେ ନ କହିବା ଭଲ ପ୍ରତି ୮ ଜଣରେ ଜଣେ ଶିଶୁ ଏଠାରେ ଅପହରଣର ଶିକାର ହୋଇଥାଏ। ସରକାରୀ ତଥ୍ୟ ଅନୁଯାୟୀ ଗତ ଏକ ଦଶନ୍ଧିରେ ଶିଶୁମାନଙ୍କ ପ୍ରତି ଅପରାଧ ୫ଗୁଣ ବୃଦ୍ଧି ପାଇଛି।