ଗୋଟିଏ ଟେକ୍‌ରେ ବାହାଘର: ଭାଇରାଲ୍ ହେଲା ଭିଡିଓ

<p>[vc_video link=&quot;&quot; align=&quot;center&quot;]</p> <p>ଦିନ ଥିଲା ବିବାହ ଏକ ଉତ୍ସବ ଥିଲା। ହେଲେ ଏବେ ଏହା ଏକ ଇଭେଣ୍ଟର ରୂପ ନେଇଛି। ପାଖରେ ପଇସା ଥିଲା ହେଲା। ବିବାହ ମଣ୍ଡପ, ସାଜସଜ୍ଜା, ଭୋଜିଭାତ। ଗୋଟିଏ କ୍ଳିକ୍&zwnj;ରେ ସବୁକିଛି ହୋଇଯିବ। କେବଳ ସେତିକି ନୁହେଁ ବର କେମିତି ଦେଖାଯିବ, କନ୍ୟା କେମିତି ସଜେଇ ହେବେ, କଣ ପିନ୍ଧିବେ, ସବୁର ତାଲିକା ଆସି ପହଞ୍ଚିଯିବ ଚୁଟ୍&zwnj;କିରେ।</p> <p>ଏସବୁ ବାଦ୍ ମ୍ୟାରେଜକୁ ଇଭେଣ୍ଟ ଭାବୁଥିବା ଲୋକେ ପ୍ରାଥମିକତା ଦେଉଛନ୍ତି ଫଟୋସୁଟ୍ ଓ ଭିଡିଓଗ୍ରାଫିକୁ। ଆଗରୁ ମଧ୍ୟ ଫଟୋ ଓ ଭିଡିଓକୁ ଗୁରୁତ୍ୱ ଦିଆଯାଉଥିଲା। ହେଲେ ଏବେ ଫଟୋ ଓ ଭିଡିଓ ସୁଟିଂରେ ଆସିଛି ବିରାଟ ପରିବର୍ତ୍ତନ। ଇଭେଣ୍ଟ ଅର୍ଗାନାଇଜ୍ କରୁଥିବା କଂପାନୀ ଗୁଡ଼ିକ ବିବାହକୁ ଏକ କାହାଣୀର ରୂପ ଦେଉଛନ୍ତି। ଏଥିପାଇଁ ଲକ୍ଷ ଲକ୍ଷ ଟଙ୍କା ମଧ୍ୟ ଖର୍ଚ୍ଚ କରାଯାଉଛି।</p> <p>ତେବେ ଆମେ ଆଜି ଯେଉଁ ମ୍ୟାରେଜ୍ ସଂପର୍କରେ କହିବାକୁ ଯାଉଛି, ସେହି ବିବାହ ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। ନୂଆଦିଲ୍ଲୀରେ ରହୁଥିବା ଡାଲିଆ ବେନେଟିକ୍ଟ ନିଜ ବାହାଘରର ହଳଦୀ ଉତ୍ସବରୁ ଖୁବ୍ ନିଆରା ଢ଼ଙ୍ଗରେ ସୁଟ୍ କରିଛନ୍ତି। ମ୍ୟାଜିକ୍ ମୋସନ୍ ମିଡିଆ ନାମକ ଏକ କ୍ରିଏଟିଭ୍ ଗ୍ରୁପ୍ ଏକ ଗୀତର ତାଳେ ତାଳେ ହଳଦୀ ଉତ୍ସବରୁ ସୁଟ୍ କରିଛନ୍ତି। ତେବେ ଏହା ହେଉଛି ୱାନ୍ ଟେକ୍ ସୁଟ୍। ଅର୍ଥାତ୍ ଗୀତର ଆରମ୍ଭରୁ ଶେଷ ପର୍ଯ୍ୟନ୍ତ କ୍ୟାମେରା ଅଫ୍ କରାଯାଇ ନାହିଁ। ତେବେ ଗୀତରେ କେବଳ କନ୍ୟା ନାଚୁ ନାହାନ୍ତି ପୁରା ପରିବାର ଝୁମୁଛନ୍ତି ବଲିଉଡ୍ ବିଟ୍&zwnj;ର ତାଳେ ତାଳେ। କେବଳ ସେତିକି ନୁହେଁ, ସୁଟିଂ କେବଳ ଗୋଟିଏ ଲୋକେସନରେ ସୁଟ୍ ହୋଇନାହିଁ, ଲନରୁ ଆରମ୍ଭ କରି ବେଡ୍&zwnj;ରୁମ୍ ପର୍ଯ୍ୟନ୍ତ ପହଞ୍ଚିଛି କ୍ୟାମେରା।</p> <p>ଡାଲିଆଙ୍କ ବାହାଘରର ଏହି ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ୍ ହୋଇଛି। କୁହାଯାଉଛି ଏହା ୱାନ୍ ଟେକ୍ ୱାଣ୍ଡର। ୟୁଟୁବ୍&zwnj;ରେ ବର୍ତ୍ତମାନ ସୁଦ୍ଧା ୪ ଲକ୍ଷ ଲୋକ ଦେଖି ସାରିଥିବା ବେଳେ ଫେସବୁକ୍&zwnj;ରେ ୯ ଲକ୍ଷ ଲୋକ କ୍ଳିକ୍ କରି ସାରିଲେଣି।</p>