ରଜ ଓ ଏକ ବୁଢି ମା’ର ମମତା ତିଆରି ପୋଡ଼ ପିଠା

ଭୁବନେଶ୍ୱର (ଜଗମୋହନ ମହାରଣା ):  ରୋଷେଇ ବାସ ସରିଯାଇଥିବ। ଚୁଲିରେ ତଥାପି ରଡ଼ନିଆଁ ଥିବ। ସମୟ ସେଇ ଗୋଟେ କି ଦିଇଟା ହେଇଥିବ। ସମସ୍ତେ ଯେ ଯାହାବାଟରେ ଖାଇ ପିଇ ଦ୍ୱିପ୍ରହରେ ଶୋଇଗଲା ପରେ ଯେଉଁ ଲୋକଟିକୁ ନିଦ ହେଉନଥିବ, ସେ ହେଉଛି ବୁଢ଼ି ମାଆ।

ସକାଳ ପହରୁ ସେ ବିରି ଚାଉଳ ତିନ୍ତେଇଥିବ। ଦ୍ୱିପ୍ରହର ହେଲେ ବିରିକୁ ମନ୍ଥି ମନ୍ଥି ସେଥିରୁ ଚୋପା ସବୁ ବାହାର କରିବ। ତାକୁ ପୁଣି ଶିଳରେ ବାଟିବ। ସୋଦୁଅ(ବିରି ଚାଉଳ ବଟା) କୁ ଫେଣେଇବ। ହାତ କଣ ହେଲା ଯାଏ ସେ ଫେଣେଇ ଚାଲିଥିବ। ବଡ଼ ଗୋଟେ କଡ଼େଇରେ ସୋରିଷ ତେଲ ଗଲଗଲିଆକି ଢାଳିବ। ତାଆରି ଉପରେ ସବୁ ସୋଦୁଅକୁ ଢାଳିବ।

ପୁଣି ତାଆରି ଉପରେ ଦୁଇ ତିନିଟା କଦଳୀ ପତର ଘୋଡ଼େଇ ରଡ଼ ରଡ଼ ନିଆଁ ପାଉଁଶ ସବୁ କଦଳୀ ପତର ଉପରେ ଥାପିବ। ପିଠା ତଳେ ନିଆଁ, ପିଠା ଉପରେ ନିଆଁ।

ସମସ୍ତେ ଶୋଇକି ଉଠିଲା ବେଳକୁ ସେ ପନିକିରେ ଖଣ୍ଡ ଖଣ୍ଡ କରି କାଟୁଥିବ।

ସଞ୍ଜବେଳେ ଘରଲୋକ ଖାଇବା ସହିତ ସାହି, ପଡି଼ଶା ଯେ କେହିବି ଆସେ ସମସ୍ତେ ଖଣ୍ଡେ ଖଣ୍ଡେ ଖାଆନ୍ତି। ଆଉ କୁହନ୍ତି ମାଉସୀ ହାତ ତିଆରି ପୋଡ଼ ପିଠା ଭାରି ସୁଆଦିଆ।

ନାଁ ସେ ପୋଡ଼ ପିଠାରେ ପଡ଼ିଥାଏ କାଜୁ ନା କିସମିସ୍ ନା ବାଦାମ ? ଅତି ବେଶିରେ ଟିକି ଟିକି ନଡ଼ିଆ ଖଣ୍ଡ । ବାସ୍ ସେତିକି।

ତା ସାଙ୍ଗକୁ ତେଲ ସର ସର ଆଳୁଦମ ନଥାଏ କି ମାଂସ ଝୋଳବି ନଥାଏ। ବାସ୍ କେବଳ ପୋଡ଼ ପିଠା।

ଆଜିର ଡୋମିନସ୍ ପିଜା, ବର୍ଗର ଜମାନାରେ ବୁଢ଼ିମା’ର ପୋଡ଼ପିଠାଟି ସେମିତି ଚୁଲିରେ ବସି ବସି ପୋଡ଼ି ଅଙ୍ଗାର ହେଇଯିବାକୁ ବସିଲାଣି। ହେଲେ ବୁଢି ମାଆ ହାତ ତିଆରି ପୋଡ଼ପିଠା ଖାଇବାକୁ କାହାପାଖରେ ସମୟ ନାହିଁ। ସମସ୍ତେ ବ୍ୟସ୍ତ।

ଆଜି ଯଦି ଏ ଦୁନିଆର ବୁଢ଼ି ମାଆଟି ଦେଖି ପାରନ୍ତା ଯେ, ଏଠି ସରକାର ପାନ୍ଥ ନିବାସରେ ପୋଡ଼ ପିଠା ପ୍ରତିଯୋଗିତା କରୁଛନ୍ତି ଆଉ ନଗରର ମେୟରମାନେ ଧୋବଲି ସାର୍ଟ ପିନ୍ଧି ମହିଳାମାନଙ୍କୁ ପୋଡ଼ ପିଠା ତିଆରିର ଶ୍ରେଷ୍ଠ ପୁରଷ୍କାର ଦେଉଛନ୍ତି । ତେବେ ସେ କଣ କୁହନ୍ତା କେଜାଣି।

ଏଇ ରଜ ଆସିବାର କିଛିଦିନ ପୂର୍ବରୁ ଓ ରଜ ଚାଲିଯିବାର ଆଉ କିଛିଦିନ ପର୍ଯ୍ୟନ୍ତ ଘରେ ବୁଢ଼ି ମାଆ ଏମିତି  ଦିନେ ଛଡ଼ା, ଦିଦିନ ଛଡ଼ା ପୋଡ଼ ପିଠା କରୁଥାଏ….

ପୋଡ଼ ପିଠା କେବଳ ଏକ ପିଠା ନୁହେଁ, ତାହା ବୁଢ଼ି ମାଆର ମନ ତିଆରି ମମତା।

ଆହୁରି ପଢ଼ନ୍ତୁ

ବିକାଶ ଦୁବେ ଓ ସହଯୋଗୀଙ୍କ ସମ୍ପତ୍ତିର ଖୋଳତାଡ଼ ଆରମ୍ଭ କଲା ଇଡି, ଫିଟିବ କି ଗୁମର

ପଙ୍ଗପାଳ ଆକ୍ରମଣକୁ ଜାତୀୟ ବିପତ୍ତି ଘୋଷଣା କରିବାକୁ କହିଲେ ମନ୍ତ୍ରୀ

ସୁଶାନ୍ତଙ୍କ ମୃତ୍ୟୁର ସିବିଆଇ ଯାଞ୍ଚ ପାଇଁ ଓକିଲ ନିଯୁକ୍ତ କଲେ ସୁବ୍ରମଣ୍ୟମ ସ୍ୱାମୀ

‘ହମ୍ କଲାକାର ହୈ’ ଜରିଆରେ ସବୁ କଳାକାରଙ୍କୁ ଅନୁପମଙ୍କ ସଲାମ୍

ମୋଦି, ଯୋଗୀ ଓ ଶିବରାଜଙ୍କ ସମ୍ପର୍କରେ ଅତ୍ୟନ୍ତ ବିବାଦୀୟ ବୟାନ ଦେଲେ ବିଜେପି ମନ୍ତ୍ରୀ

ଘରେ ପଶିଗଲା ବିଶାଳକାୟ ଗୋଧି, ଲୋକେ ଛାନିଆ

ଗ୍ୟାଙ୍ଗଷ୍ଟର ବିକାଶର ପତ୍ନୀ ଦେଲେ ବଡ଼ ବୟାନ, କହିଲେ ଦରକାର ପଡ଼ିଲେ ବନ୍ଧୁକ ଉଠାଇବି

କରୋନାରେ ନୂଆ ରେକର୍ଡ କଲା ଆମେରିକା, ଦିନକରେ ୭୧ ହଜାର ପଜିଟିଭ

କରୋନା ଭାଇରସର ମୂଳ ଉତ୍ସ ଖୋଜିବାକୁ ଚାଇନା ଗଲା ହୁ’ର ଟିମ୍‌

ଆଉ ନୂଆ ଚାକିରି ସୃଷ୍ଟି କରିବନି ଭାରତୀୟ ରେଲୱେ

୧୦ମ ବୋର୍ଡ ପରୀକ୍ଷାରେ ୧୦୦ରୁ ୧୦୦ ମାର୍କ ରଖିଲେ ରିଶିତା

୧୦ ମହଲା ଛାତରୁ ଡେଇଁ ପଡ଼ିଲେ କରୋନା ଯୋଦ୍ଧା