ପାଠ ପଢ଼ିବା ପାଇଁ ଚଢ଼ୁଛନ୍ତି ପାହାଡ଼

<p>କୋରାପୁଟ (ସୂର୍ଯ୍ୟ ପଣ୍ଡା): କରୋନା ଯୋଗୁ ଏବେ ରାଜ୍ୟର ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିଛି। ତେଣୁ ଛାତ୍ରଛାତ୍ରୀମାନଙ୍କୁ ଅନ୍&zwnj;ଲାଇନ୍&zwnj;ରେ ପଢ଼ିବାକୁ କୁହାଯାଉଛି। ଆଉ ଶିକ୍ଷକ ଓ ଶିକ୍ଷୟିତ୍ରୀମାନେ ପିଲାମାନଙ୍କୁ ଅନ୍&zwnj;ଲାଇନ୍&zwnj;ରେ ପାଠ ପଢ଼ାଉଛନ୍ତି। ହେଲେ କିଛି ଗାଁରେ ନେଟ୍&zwnj;ୱର୍କ ସମସ୍ୟା ଥିବାରୁ ପିଲାମାନଙ୍କ ପାଠ ପଢ଼ାରେ ଅସୁବିଧା ହେଉଥିବା ଅଭିଯୋଗ ହୋଇଛି। ଏପରିକି ଗାଁର ପିଲାମାନେ ପାହାଡ଼ ଚଢ଼ି ପାଠ ପଢ଼ିବାକୁ ଯାଉଛନ୍ତି। ଏହିଭଳି ଚିତ୍ର ଦେଖିବାକୁ ମିଳିଛି କୋରାପୁଟ ଜିଲ୍ଲା ସେମିଳିଗୁଡା ବ୍ଲକ ଦୁଧାରୀ ଗାଁରେ।</p> <p>ଦୁଧାରୀ ଗାଁରେ ପ୍ରାୟ ୨୦୦ ଘର ରହିଛି। ଗାଁର କିଛି ପିଲା ଗାଁ ସ୍କୁଲ୍&zwnj;ରେ ପଢ଼ନ୍ତି। ଆଉ କିଛି ଆଶ୍ରମ ସ୍କୁଲ୍&zwnj;ରେ ରହି ପାଠ ପଢ଼ୁଥିଲେ। ହେଲେ ଏବେ କରୋନା ଯୋଗୁ ସ୍କୁଲ ବନ୍ଦ ରହିଛି। ତେଣୁ ପିଲାମାନେ ଘରକୁ ପଳାଇ ଆସିଛନ୍ତି। ହେଲେ ସ୍କୁଲର ଶିକ୍ଷକ ଶିକ୍ଷୟିତ୍ରୀ ଅନ୍&zwnj;ଲାଇନ୍&zwnj;ରେ ପାଠ ପଢ଼ା&zwnj;ଉଛନ୍ତି। କିନ୍ତୁ ଗାଁକୁ ନେଟୱର୍କ ଆସୁ ନଥିବାରୁ ପିଲାମାନଙ୍କ ପାଠ ପଢ଼ାରେ ଅସୁବିଧା ହେଉଛି। ତେଣୁ ପିଲାମାନେ ଗାଁଠାରୁ ୨ କିଲୋମିଟର ଦୂରକୁ ଯାଇ କୌଣସି ପାହାଡ଼ କିମ୍ୱା ରାସ୍ତା କଡ଼ ପାଚେରି ଉପରେ ଚଢ଼ି ପାଠ ପଢ଼ୁଛନ୍ତି।</p> <p>ଗାଁର ଜଣେ ଦଶମ ଶ୍ରେଣୀ ଛାତ୍ରୀ କହିଛନ୍ତି, &ldquo; ଆମ ଗାଁରେ ନେଟୱର୍କ ଠିକ୍&zwnj; ଆସୁ ନଥିବାରୁ ୨ କିମି ଆସି ପାଠ ପଢ଼ୁଛୁ। ଜଙ୍ଗଲିଆ ରାସ୍ତା ଥିବାରୁ ଭୟ ଲାଗୁଛି। ଏବେ ସାର୍&zwnj;ମାନେ ପଢ଼ାଇବାକୁ ଆସୁ ନାହାନ୍ତି। କେବଳ ହ୍ୱାଟସ୍&zwnj; ଆପ୍&zwnj;ରେ ପାଠ ପଠାଉଛନ୍ତି। ଆମେ କିଛି ବୁଝି ପାରୁନୁ।&rdquo;</p> <p>ଅଭିଭାବକ କହିଛନ୍ତି, &ldquo;ପିଲାମାନେ ପାହଡ଼ ଉପକୁ ଯାଇ ନେଟୱାର୍କ ପାଇଲେ ମୋବାଇଲ୍&zwnj;ରେ ପାଠ ପଢ଼ୁଛନ୍ତି। ଆମ ଗାଁରେ କରେଣ୍ଟ ଥିଲେ ନେଟ୍&zwnj;ୱାର୍କ ନାହିଁ, ନେଟ୍&zwnj;ୱାର୍କ ଥିଲେ କରେଣ୍ଟର ସମସ୍ୟା ହେଉଛି। ଆମ ପଞ୍ଚାୟତ ସାରା କୋଉଠି ନେଟ୍&zwnj;ୱାର୍କ ଆସୁ ନାହିଁ। ତେଣୁ ପିଲାମାନେ ପାହାଡ଼ ଉପରକୁ ଯାଇ ନେଟ୍&zwnj;ୱାର୍କ ଆସିଲେ ପଢ଼ୁଛନ୍ତି। ଏନେଇ ପ୍ରଶାସକୁ ଜଣାଇଲେ ମଧ୍ୟ କେହି ଶୁଣୁ ନାହାନ୍ତି। ଶଟଡାଉନ୍&zwnj; ହେଲା ଦିନଠୁ କୌଣସି ଶିକ୍ଷକ କିମ୍ୱା କର୍ମଚାରୀଙ୍କ ଦେଖା ନାହିଁ। ମୋବାଇଲ୍&zwnj;କୁ ମେସେଜ୍ ଆସିଲେ ପିଲାମାନେ ପାହାଡ଼ ଉପରକୁ ଯାଇ ପାଠ ପଢ଼ି ଆସୁଛନ୍ତି।&quot;</p>