ମାଟି ତଳେ ଗାଁ: ଆଈମା’ର କାହାଣୀ ନୁହେଁ ଅଷ୍ଟ୍ରେଲିଆର ସତ

ମେଲବୋର୍ଣ୍ଣ: ଆପଣ ଅଣ୍ଡରଗ୍ରାଉଣ୍ଡ ଘର ସମ୍ପର୍କରେ ଶୁଣିଥିବେ ନିଶ୍ଚୟ। ଯଦି କେହି ଅଣ୍ଡରଗ୍ରାଉଣ୍ଡ ଗାଁ ସମ୍ପର୍କରେ କହେ ଆପଣଙ୍କ ପ୍ରତିକ୍ରିୟା କଣ ରହିବ? ସାଧାରଣତଃ ଆପଣ ଏହା ଶୁଣିବା ମାତ୍ରେ ଆଶ୍ଚର୍ଯ୍ୟ ହୋଇଯିବେ।  ଆଜି ଆମେ ଯେଉଁ ଗାଁ ସମ୍ପର୍କରେ କହିବାକୁ ଯାଉଛୁ ଏହି ଗାଁ ମାଟିତଳେ ରହିଛି। ଦକ୍ଷିଣ ଅଷ୍ଟ୍ରେଲିଆର କୁବର ପେଡ଼ିରେ ମାଟି ଭିତରେ ଗଢ଼ି ଉଠିଛି ଜନବସତି ।

ଏକ ଗଣମାଧ୍ୟମର ଖବର ଅନୁସାରେ ଏଠାକାର ୬୦ ପ୍ରତିଶତ ଲୋକ ଅଣ୍ଡରଗ୍ରାଉଣ୍ଡ ଘରେ ବସବାସ କରନ୍ତି।  ଏହି ଘରେ  ବିଭିନ୍ନ ପ୍ରକାର ସୌଖିନ ଜିନିଷ ରହିଛି। ମାଟିତଳେ ପ୍ରାୟ ୧୫୦୦ ପରିବାରର ୩,୫୦୦ରୁ ଅଧିକ ଲୋକ ରହୁଛନ୍ତି। ଏହି ଘରଗୁଡ଼ିକୁ ଡଗ୍‌ ଆଉଟସ୍‌ କୁହାଯାଉଛି।  ଖରାଦିନେ ଏଠି ଏସି କି ଶୀତ ଦିନେ ରୁମ୍‌ ହିଟର୍‌ ଦରକାର ନାହିଁ। ଏହି ଅଣ୍ଡରଗ୍ରାଉଣ୍ଡ ଗାଁରେ ବିଭିନ୍ନ ହଲିଉଡ୍‌ ଫିଲ୍ମର ସୁଟିଂ ମଧ୍ୟ ହେଉଛି। ଏବେ ଏହା ପର୍ଯ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ର ବିନ୍ଦୁ ପାଲଟିଛି।