ଏଠି ପୁଲିସରେ ଭର୍ତ୍ତି ହେବାକୁ ହେଲେ ମହିଳାଙ୍କୁ ଭର୍ଜିନିଟି ଟେଷ୍ଟ ଦେବାକୁ ହୁଏ

ନୂଆଦିଲ୍ଲୀ: ନାରୀ  ସ୍ୱାଧୀନତା ଓ ନାରୀ ସଶକ୍ତିକରଣ ନେଇ ବିଶ୍ୱବ୍ୟାପୀ ନାରା ଦିଆଯାଉଛି। ଏହି ଧାରାରେ ଆଜିର ଏକବିଂଶ ଶତାବ୍ଦୀରେ ମହିଳାଙ୍କ ପ୍ରତି ମାନସିକତାର ବଦଳିଛି ସତ ହେଲେ ଏହା ଯେ, ଶତପ୍ରତିଶତ ବଦଳିଛି, ତାହା କହିହେବନି। କାରଣ ଆଜି ବି କିଛି ଏଭଳି ସାମାଜିକ କଟକଣା ଅଛି ଯାହା ନାରୀ ପ୍ରଗତିରେ ବାଧକ ସାଜୁଛି। ପ୍ରତି କ୍ଷେତ୍ରରେ ତାକୁ ଦେବାକୁ ପଡ଼ୁଛି ଅଗ୍ନି ପରୀକ୍ଷା।

ଇଣ୍ଡୋନେସିଆରେ ଏମିତି ଏକ ଅଜବ ପରମ୍ପରା ରହିଛି ଯାହା ଆପଣଙ୍କୁ ଚକିତ କରିଦେବ। ଏଠି ଜଣେ ମହିଳା ପୁଲିସ ଅଫିସର ହେବାକୁ ସ୍ୱପ୍ନ ଦେଖିଲେ ତାକୁ  ତାକୁ କୁମାରୀତ୍ୱ ବା ଭର୍ଜନିଟି ପରୀକ୍ଷା ଦେବାକୁ ପଡ଼ିଥାଏ। ଖାଲି ସେତିକି ନୁହେଁ ଇଣ୍ଡୋନେସିଆରେ  ପୁଲିସ ଅଫିସର ହେବାକୁ ହେଲେ ସେ ଗୋରୀ ଓ ସୁନ୍ଦରୀ ହୋଇଥିବା ଜରୁରୀ। ଭର୍ଜନିଟି ଏକ ରୁଢିବାଦୀ ଚିନ୍ତାଧାରା ଏବଂ ଏହି ପରମ୍ପରାକୁ ହଟାଇଦେବା ପାଇଁ ଅନ୍ତର୍ଜାତୀୟ ମହଲରୁ ଦାବି ହୋଇ ଆସୁଥିଲେ ମଧ୍ୟ ଏହାର ଇଣ୍ଡୋନେସିଆ ସରକାରଙ୍କ ଉପରେ କୌଣସି ପ୍ରଭାବ ପଡ଼ିନି। ପୁଲିସରେ ଭର୍ତ୍ତି ହେବା ପାଇଁ ଏଠାରେ ଭର୍ଜନିଟି ଟେଷ୍ଟର ପରମ୍ପରା ଜାରି ରହିଛି।

ଖାଲି ସେତିକି ନୁହେଁ,  ପୁଲିସ ଚାକିରି କ୍ଷେତ୍ରରେ ମହିଳାଙ୍କ ପ୍ରବେଶ ଲାଗି ଅନେକ ମାପଦଣ୍ଡ ରହିଛି। ଯଦିଓ ସରକାରୀସ୍ତରେ ନିଯୁକ୍ତି ପ୍ରକ୍ରିୟା ଅନୁଯାୟୀ ଭର୍ଜନିଟି ଟେଷ୍ଟକୁ ନେଇ କୌଣସି ଅଫିସିଆଲ ନିର୍ଦ୍ଦେଶନାମା ନଥାଏ, ତଥାପି ନୈତିକତା ଏବଂ ଫିଜିକାଲ ଏକଜାମିନେଶନ ନାମରେ ଏହି ଟେଷ୍ଟ କରାଯାଇଥାଏ। ଏକ ମାନବାଧିକାର ସଂସ୍ଥାର କହିବା ଅନୁଯାୟୀ ଯୌନ କର୍ମୀ କିମ୍ବା ସେକ୍ସୁଆଲ ଆକ୍ଟିଭିଟିଜ୍‌ ସହ ସମ୍ପୃକ୍ତ ରହୁଥିବା ମହିଳା ପୁଲିସ ଅଧିକାରୀ ହେଲେ ତାଙ୍କୁ ସମାଜ ଗ୍ରହଣ କରିବ ନାହିଁ ବୋଲି ଇଣ୍ଡୋନେସିଆ ପୁଲିସର ଧାରଣା ରହି ଆସିଛି।

ଭର୍ଜନିଟି ଟେଷ୍ଟକୁ ନେଇ ଯଦିଓ ଇଣ୍ଡୋନେସିଆରେ ସେମିତି କିଛି କଡ଼ା ନିୟମ କାନୁନ ନାହିଁ ତଥାପି ଏହି ପରମ୍ପରା ସେଠାରେ ଖତମ ହୋଇ ନାହିଁ ବୋଲି  ଅକ୍‌ଲାଣ୍ଡ ୟୁନିଭର୍ସିଟି ପକ୍ଷରୁ କୁହାଯାଇଛି। ଅକ୍‌ଲାଣ୍ଡ ୟୁନିଭର୍ସିଟି ପକ୍ଷରୁ କୁହାଯାଇଛି ଯେ, ଏଠାରେ ୬୦ ପ୍ରତିଶତ ପୁଲିସ ଅଧିକାରୀ ହେଉଛନ୍ତି ପୁରୁଷ। ଖାଲି ପୁଲିସ ଚାକିରୀ ପାଇଁ ନୁହେଁ, ସେ ଦେଶର ଆର୍ମିରେ ଭର୍ତ୍ତି ହେବାକୁ ମଧ୍ୟ ମହିଳାମାନଙ୍କୁ ଭର୍ଜନିଟି ଟେଷ୍ଟ ଦେବାକୁ ପଡ଼ିଥାଏ।

ଆହୁରି ପଢ଼ନ୍ତୁ

ସ୍ୱାଧୀନତା ଦିବସ ଅବସରରେ ମୁଖ୍ୟମନ୍ତ୍ରୀ କହିଲେ- କେହି ପଇସା ଅଭାବରୁ କରୋନା ଚିକିତ୍ସାରୁ ବଞ୍ଚିତ ହେବେ ନାହିଁ

ଚାଇନା ଉପରେ ରହିବ ନଜର, ନୌସେନା କିଣିବ ୧୦ ଡ୍ରୋନ

ଉଦ୍ଧାର କାର୍ଯ୍ୟରେ ସାମିଲ ୨୨ ଅଧିକାରୀଙ୍କୁ କରୋନା, କ୍ୱାରେଣ୍ଟାଇନରେ ମୁଖ୍ୟମନ୍ତ୍ରୀଙ୍କ ଠାରୁ ସ୍ୱାସ୍ଥ୍ୟମନ୍ତ୍ରୀ

ହିନ୍ଦୁ ଦେବାଦେବୀଙ୍କ ଅସମ୍ମାନ କରି ଅଡୁଆରେ ‘ଥ୍ରୀଲର’

ଚିନ୍ତା ବଢ଼ିଲା, ଆରୋଗ୍ୟର ଦୀର୍ଘ ମାସ ପରେ ପୁଣି କରୋନାରେ ଆକ୍ରାନ୍ତ

କଳାହାଣ୍ଡିରେ ଡ୍ରାଗନ ଚାଷ

୧୪ ଅଗଷ୍ଟ, ଶୁକ୍ରବାର: ଅନେକ ଦିନର ଆଶା ପୂରଣ ହେବ

ବିଧାନସଭାରେ ଆଗୁଆ ଆସ୍ଥା ପ୍ରସ୍ତାବ ଆଣିବେ ମୁଖ୍ୟମନ୍ତ୍ରୀ ଗେହଲଟ

ଧୋନିଙ୍କର ହେଲା କରୋନା ଟେଷ୍ଟ, ଜାଣନ୍ତୁ ରିପୋର୍ଟ କ’ଣ ଆସିଲା

ମାଡ଼ି ଚାଲିଛି କରୋନା ଭାଇରସ: ଦିନକରେ ୬୭ ହଜାର ପଜିଟିଭ, ୯୪୨ ମୃତ

୧୩ ଅଗଷ୍ଟ, ଗୁରୁବାର: ସାହିତ୍ୟ ଓ କଳା କ୍ଷେତ୍ରରେ ରୁଚି ବଢ଼ିବ

ଅପରାହ୍ଣ ୫ଟାରେ ଟିଭି ବିତର୍କରେ ଭାଗ ନେଇଥିଲେ, ସନ୍ଧ୍ୟା ବେଳେ ଆସିଲା ମୃତ୍ୟୁ ଖବର