ଭୁବନେଶ୍ୱର: ପୂର୍ବତନ ରାଷ୍ଟ୍ରପତି ତଥା ବିଶିଷ୍ଟ ବୈଜ୍ଞାନିକ ଏ.ପି.ଜେ. ଅବଦୁଲ କଲାମଙ୍କର ଆଜି ଜନ୍ମଦିନ। ୧୯୩୧ ମସିହାରେ ଆଜିର ଦିନରେ ତାମିଲନାଡୁର ରାମେଶ୍ୱରମ୍ରେ ସେ ଜନ୍ମ ହୋଇଥିଲେ।
ଏକ ଗରିବ ପରିବାରରେ ଜନ୍ମ ହୋଇଥିଲେ ମଧ୍ୟ ନିଜ ଇଚ୍ଛାଶକ୍ତି ଓ ଉଦ୍ୟମ ଯୋଗୁଁ ସେ ଜଣେ ବୈଜ୍ଞାନିକ ହୋଇପାରିଥିଲେ। ପରେ ସେ ଦେଶର ରାଷ୍ଟ୍ରପତି ମଧ୍ୟ ହୋଇଥିଲେ।
ସେ ଥିଲେ ଦେଶର ଅନ୍ୟତମ ଲୋକପ୍ରିୟ ରାଷ୍ଟ୍ରପତି। ରାଷ୍ଟ୍ରପତି ହୋଇଥିଲେ ହେଁ ସେ ମିସାଇଲ୍ ମ୍ୟାନ୍ ନାଁରେ ପରିଚିତ ଥିଲେ। ଭାରତରେ କ୍ଷେପଣାସ୍ତ୍ର କାର୍ଯ୍ୟକ୍ରମର ଜନକ ହେଉଛନ୍ତି ଅବଦୁଲ କଲାମ।
ତାଙ୍କ ନେତୃତ୍ୱ ଓ ଦିଗଦର୍ଶନରେ ଇସ୍ରୋ ଓ ଡିଆର୍ଡିଓ ସଫଳତାର ଶିଖର ଛୁଇଁଛି। ଦେଶକୁ ଆଣବିକ ଶକ୍ତି ସଂପନ୍ନ କରିବାରେ ମଧ୍ୟ କଲାମଙ୍କର ପ୍ରମୁଖ ଭୂମିକା ଥିଲା।
୨୦୦୨ରୁ ୨୦୦୭ ଯାଏଁ କଲାମ ଦେଶର ରାଷ୍ଟ୍ରପତି ପଦ ଅଳଙ୍କୃତ କରିଥିଲେ।
ମେଘାଳୟର ଶିଲଂର ଏକ ଶିକ୍ଷାନୁଷ୍ଠାନରେ ଲେକ୍ଚର୍ ଦେଉଥିବା ବେଳେ ୨୦୧୫ ଜୁଲାଇ ୨୭ତାରିଖରେ ତାଙ୍କର ପରଲୋକ ହୋଇଥିଲା। ସେତେବେଳକୁ ତାଙ୍କୁ ୮୩ ବର୍ଷ ହୋଇଥିଲା।
ତାଙ୍କର ଆଉ କିଛି ଫଟୋ-
ପିଲାବେଳେ ମା’ଙ୍କ ସହ
ଅନ୍ତିମ ଯାତ୍ରା-
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
