ନୟାଗଡ଼ (ଓଡ଼ିଶା ରିପୋର୍ଟର) ବିଜେପି ନେତ୍ରୀ ଇରାନୀ ରାୟଙ୍କୁ ଆକ୍ରମଣ ହୋଇଥିବା ଅଭିଯୋଗ ହୋଇଛି। ଏକ କାର୍ଯ୍ୟକ୍ରମରେ ଯୋଗଦେବା ପାଇଁ ନୟାଗଡ଼ ଭାଟସାହିକୁ ଯାଇଥିବା ବେଳେ କିଛି ବିଜେଡି କର୍ମୀ ତାଙ୍କୁ ଆକ୍ରମଣ କରିଥିବା ଅଭିଯୋଗ ହୋଇଛି ।
ଏ ନେଇ ସେ ନୟାଗଡ଼ ଟାଉନ ଥାନାରେ ଏତଲା ଦେଇଛନ୍ତି। ଇରାନୀ ରାୟ ଭାଟ ସାହି ମନ୍ଦିରକୁ ଯାଇଥିବା ବେଳେ ବିଜେଡି କର୍ମୀମାନେ ତାଙ୍କୁ ମନ୍ଦିର ଯିବାକୁ ବାରଣ କରିବା ସହ ଗାଳି ଗୁଳଜ କରିଥିବା ସେ ଅଭିଯୋଗ କରିଛନ୍ତି।
ଏ ନେଇ ସେ ଥାନାରେ ଅଭିଯୋଗ କରିବାକୁ ଆସିଥିବା ବେଳେ ବିଜେଡି ନେତା ତଥା ଭାଟ ସାହି ସରପଞ୍ଚ କିଶୋର ସାହୁ ଥାନାରେ ପହଞ୍ଚି ଥାନା ଅଧିକାରୀଙ୍କ ସାମ୍ନାରେ ତାଙ୍କୁ ଗାଳି ଗୁଳଜ କରିଥିବା ସେ ଅଭିଯୋଗ କରିଛନ୍ତି । ଇରାନୀ କହିଛନ୍ତି ଯେ, ଥାନା ଭିତରେ ପଶି ମୋତେ ଗାଳିଗୁଲଜ କରିଛନ୍ତି। ଏମିତିକି ସେମାନେ ମୋତେ ପିଛା କରି ଆସି ମୋ ଡ୍ରାଇଭର ଓ ଆଉ ଜଣେ ପିଲାଙ୍କୁ ମାରପିଟ୍ କରିଛନ୍ତି। ଏ ନେଇ ତଦନ୍ତ ଚାଲିଥିବା ପୁଲିସ କହିଛି।