ଭୁବନେଶ୍ୱର (ଓଡ଼ିଶା ରିପୋର୍ଟର): ଅଷ୍ଟ୍ରେଲିଆ ସାମ୍ନାରେ ୨୫୩ ରନର ବିଜୟ ଲକ୍ଷ୍ୟ। କୋଲକାତାର ଇଡେନ୍ ଗାର୍ଡେନ୍ଠାରେ ଖେଳାଯାଉଥିବା ଏହି ମ୍ୟାଚ୍ରେ ଭାରତ ନିର୍ଦ୍ଧାରିତ ୫୦ ଓଭରରେ ୨୫୨ ରନ ସଂଗ୍ରହ କରିଛି। ଭାରତ ପକ୍ଷରୁ ଅଧିନାୟକ ବିରାଟ କୋହଲି ଆଜି ଆଉ ଏକ ବିସ୍ଫୋରକ ପାଳି ଖେଳିଥିଲେ। କୋହଲିଙ୍କ ବ୍ୟାଟ୍ର ଯାଦୁ ପୁଣି ଆଜି ଦେଖିବାକୁ ମିଳିଥିଲା। ମାତ୍ର ୮ରନ୍ ପାଇଁ ସେ ଆଉ ଏକ ଶତକରୁ ବଞ୍ଚିତ ହୋଇଛନ୍ତି। ସେ ଆଜି ୯୨ରନର ଏକ ଆକର୍ଷଣୀୟ ପାଳି ଖେଳିଥିଲେ। ସେହପରି ଓପନର୍ ରାହାନେ ଅର୍ଦ୍ଧଶତକୀୟ ପାଳି ଖେଳିଛନ୍ତି। ସେ ୬୪ ବଲରୁ ୫୫ ରନର ସଂଗ୍ରହ କରିଛନ୍ତି। ଅଷ୍ଟ୍ରେଲିଆ ପକ୍ଷରୁ ନାଥନ କୁଲ୍ଟର୍-ନିଲ୍ ଓ ରିଚାର୍ଡସନ ସର୍ବାଧିକ ୩ଟି ଲେଖାଏଁ ୱିକେଟ୍ ନେଇଛନ୍ତି।
ଅନ୍ୟପଟେ ଆଜିର ମ୍ୟାଚ ବେଳେ କିଛି ସମୟ ପାଇଁ ବର୍ଷା ସାଜିଥିଲା ବାଧକ। ଭାରତ ବ୍ୟାଟିଂ କରୁଥିବା ସମୟରେ ବର୍ଷା ଆରମ୍ଭ ହୋଇଥିଲା ଫଳରେ ମ୍ୟାଚକୁ ଅଧାରୁ ବନ୍ଦ ରଖାଯାଇଥିଲା। ଭାରତର ସ୍କୋର ୨୩୭ ରନ ହୋଇଥିବା ବେଳେ ବର୍ଷା ହେବାରୁ ମ୍ୟାଚକୁ କିଛି ସମୟ ପାଇଁ ବନ୍ଦ ରଖାଯାଇଥିଲା। ବର୍ଷା ଛାଡିବା ପରେ ପୁଣି ଖେଳ ଆରମ୍ଭ ହୋଇଥିଲା।