ବେଜିଂ: ନିଜ ଜାତୀୟ ରେକର୍ଡକୁ ଭାଙ୍ଗି ଲଳିତା ଶିବାଜୀ ବାବର ନୂଆ କୀର୍ତ୍ତିମାନ ସ୍ଥାପନ କରିଛନ୍ତି। ସୋମବାର ଚୀନର ବେଜିଂରେ ଅନୁଷ୍ଠିତ ବିଶ୍ୱ ଆଥଲେଟିକ୍ସ ଚାମ୍ପିଆନସିପର ୩୦୦୦ ମିଟର ଷ୍ଟିପଲଚେଶ୍ ଫାଇନାଲକୁ ପ୍ରବେଶ କରିଛନ୍ତି ବାବର।
ଏସିଆନ୍ ଚାମ୍ପିଆନସିପର ଏହି ପ୍ରତିଯୋଗିତାରେ ନିର୍ଦ୍ଧାରିତ ଟାଇମିଂ ୯:୨୭:୮୬କୁ ଏହି ଆଥଲେଟିକ୍ସ ଜଣଙ୍କ ଅତି ସହଜରେ ଅତିକ୍ରମ କରିଛନ୍ତି। ଏହି ସମୟକୁ ଅତିକ୍ରମ କରିଥିବା ୬ ଜଣ ଶେଷ ଫାଇନାଲିଷ୍ଟଙ୍କ ମଧ୍ୟରୁ ତାଙ୍କ ନାଁ ମଧ୍ୟ ରହିଛି। ମହାରାଷ୍ଟ୍ରର ଏହି ଆଥଲେଟିକ୍ସ ଜଣଙ୍କ ନିକୋଲାଇ ସ୍ନେଶାରଭଙ୍କ ତତ୍ୱବଧାନରେ ଟ୍ରେନିଂ ନେଇ ପୂର୍ବ ରେକର୍ଡ ୯:୩୪:୧୩ ସ୍ଥାପନ କରିଥିଲେ। ଏହାକୁ ଆଜି ଭାଙ୍ଗି ନୂତନ ରେକର୍ଡ ସ୍ଥାପନ କରିଛନ୍ତି।
ସୂଚନାଯୋଗ୍ୟ ଏହି ଆଥଲେଟିକ୍ସ ଜଣଙ୍କ ୨୦୧୪ ଏସିଆନ ଗେମ୍ସରେ ରୌପ୍ୟ ପଦକ ଜିତିଥିବାବେଳେ ପ୍ରଥମ ଭାରତୀୟ ଭାବେ ଏହି ପ୍ରତିଯୋଗିତାରେ ଶୀର୍ଷ ସ୍ଥାନରେ ପହଞ୍ଚି ଇତିହାସ ରଚିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
