ଭୁବନେଶ୍ୱର: ଟ୍ରାକ୍ରେ ଚମକିଲେ ଦୂତି ଚାନ୍ଦ। ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଚାଲିଥିବା ଏସିଆନ୍ ଆଥଲେଟିକ୍ ଚାମ୍ପିୟନସିପ୍ରେ ମହିଳା ଶହେ ମିଟର ଦୌଡର ସେମି ଫାଇନାଲରେ ପହଞ୍ଚିଛନ୍ତି ଓଡ଼ିଆ ଝିଅ ଦୂତି ଚାନ୍ଦ। ଶହେ ମିଟର ଦୌଡ଼ ପ୍ରଥମ ହିଟ୍ସରେ ଦୂତି ପ୍ରଥମ ସ୍ଥାନରେ ରହିଛନ୍ତି। ସେହିପରି ପୁରୁଷ ୧୦୦ ମିଟର ରେସ୍ରେ ଓଡିଆ ପୁଅ ଅମୀୟ ମଲ୍ଲିକ ଯୋଗ୍ୟତା ଅର୍ଜନ କରିଛନ୍ତି। ଆଜି ପ୍ରଥମ ଦିବସର ପ୍ରଥମ ଇଭେଣ୍ଟ ଥିଲା ପୁରୁଷ ଡେକାଥଲନର ୧୦୦ ମିଟର ରେସ୍। ପୂର୍ବାହ୍ନରେ ଡେକାଥଲନର ଲଙ୍ଗଜମ୍ପ ଏବଂ ସଟଫୁଟ୍ ଇଭେଣ୍ଟ ଅନୁଷ୍ଠିତ ହୋଇଥିଲା। ସେହିଭଳି ପୁରୁଷ, ମହିଳା ୧୫୦୦ ଓ ୪୦୦ ମିଟର ରେସ୍ ଏବଂ ପୁରୁଷ ହାଇଜମ୍ପର ହିଟ୍ସ ଅଭେଣ୍ଟ ମଧ୍ୟ ଖେଳାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।