ମେଲବର୍ଣ୍ଣ: ଚଳିତ ଅଷ୍ଟ୍ରେଲିଆନ୍ ଓପନରେ ଘରୋଇ ତାରକା ତଥା ବିଶ୍ୱର ଏକ ନମ୍ବର ମହିଳା ଖେଳାଳି ଆଶଲେ୍ ବାର୍ଟି ବିଜୟଧାରା ଅବ୍ୟାହତ ରଖି ଅନ୍ତିମ-୪ରେ ସ୍ଥାନ ପକ୍କା କରିଛନ୍ତି। ମଙ୍ଗଳବାର ମହିଳା ସିଙ୍ଗଲ୍ସ କ୍ୱାର୍ଟରଫାଇନାଲ୍ ବାର୍ଟି ଚେକ୍ ଗଣରାଜ୍ୟର ପେଟ୍ରା କ୍ୱିଟୋଭାଙ୍କୁ ସିଧାସଳଖ ୭-୬ (୮/୬), ୬-୨ ସେଟରେ ହରାଇ ପ୍ରଥମଥର ଲାଗି ଓପନର ସେମିଫାଇନାଲରେ ପହଞ୍ଚିଛନ୍ତି।
ଏହି ବିଜୟ ସହ ୨୩ ବର୍ଷୀୟ ବାର୍ଟି ଗତବର୍ଷ ମେଲବର୍ଣ୍ଣରେ ମିଳିଥିବା ପରାଜୟର ମଧ୍ୟ ପ୍ରତିଶୋଧ ନେଇଛନ୍ତି। ଚଳିତ ଓପନରେ ବାର୍ଟି ଏକମାତ୍ର ଅଷ୍ଟ୍ରେଲୀୟ ଖେଳାଳି ଭାବେ ଆଶା ଉଜ୍ଜୀବିତ କରିଛନ୍ତି। ସେମିଫାଇନାଲରେ ତାଙ୍କ ସାମ୍ନା ଆମେରିକାର ସୋଫିଆ କେନିନଙ୍କ ସହ ହେବ।
ରଡ୍ ଲେଭର୍ ଏରିନାରେ ଖେଳାଯାଇଥିବା ଆଉ ଏକ କ୍ୱାର୍ଟରରେ କେନିନ୍ ଟ୍ୟୁନିସିଆର ଓନ୍ସ ଜେବରଙ୍କୁ ସିଧାସଳଖ ୬-୪, ୬-୪ ସେଟରେ ହରାଇ ପ୍ରଥମଥର କୌଣସି ଗ୍ରାଣ୍ଡସ୍ଲାମର ସେମିଫାଇନାଲରେ ପ୍ରବେଶ କରିଛନ୍ତି। ଏହା ପୂର୍ବରୁ କେନିନ୍ ଗତବର୍ଷ ଫ୍ରେଞ୍ଚ୍ ଓପନର ଚତୁର୍ଥ ରାଉଣ୍ଡରୁ ବିଦାୟ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
