ନୂଆଦିଲ୍ଲୀ: ଚଳିତ ଏସିଆନ୍ ରେସଲିଂ ଚାମ୍ପିୟନଶିପରେ ଭାରତର ଆଶୁ ଓ ଆଦିତ୍ୟ କୁଣ୍ଡୁ ଯଥାକ୍ରମେ ୬୭ ଓ ୭୨ କେଜି ଗ୍ରୀକୋ-ରୋମାନ ବର୍ଗରେ ବ୍ରୋଞ୍ଜ ପଦକ ଜିତିଛନ୍ତି। ଆଶୁ ବ୍ରୋଞ୍ଜ ପଦକ ମୁକାବିଲାରେ ସିରିୟାର ଅବଦୁଲକରିମ୍ ମହମ୍ମଦ ଅଲ୍-ହାସନଙ୍କୁ ୮-୧ ପଏଣ୍ଟରେ ହରାଇଥିବା ବେଳେ ଆଦିତ୍ୟ ଜାପାନର ନାଓ କୁସାକାଙ୍କୁ ୮-୦ରେ ପରାସ୍ତ କରି ଏହି ସଫଳତା ଅର୍ଜନ କରିଛନ୍ତି। ଏଥିସହ ଚଳିତ ଚାମ୍ପିୟନଶିପରେ ଭାରତର ପଦକ ସଂଖ୍ୟା ୪ରେ ପହଞ୍ଚିଛି।
ଏହା ପୂର୍ବରୁ ମଙ୍ଗଳବାର ପ୍ରଥମ ଦିବସରେ ସୁନୀଲ କୁମାର ୮୭ କେଜି ଗ୍ରୀକୋ-ରୋମାନ୍ ବର୍ଗରେ ଐତିହାସିକ ସ୍ୱର୍ଣ୍ଣ ପଦକ ଜିତିଥିବା ବେଳେ ଅର୍ଜୁନ୍ ହାଲାକୁର୍କି ୫୫ କେଜି ଗ୍ରୀକୋ-ରୋମାନ ବର୍ଗରେ ବ୍ରୋଞ୍ଜ ପଦକ ଅକ୍ତିଆର କରିଥିଲେ।
ବୁଧବାର ଭାରତର ଅନ୍ୟ ରେସଲର୍ ଯଥା ଜ୍ଞାନେନ୍ଦ୍ର ୬୦ କେଜି ଗ୍ରୀକୋ-ରୋମାନ ବର୍ଗର ବ୍ରୋଞ୍ଜ ପଦକ ମୁକାବିଲାରେ ପରାସ୍ତ ହୋଇଛନ୍ତ। ଏହି ବର୍ଗରେ ସ୍ୱର୍ଣ୍ଣ ପଦକ ଜିତିଛନ୍ତି ଜାପାନର କେନିଚିରୋ ଫୁମିତୋ, ଯିଏ ଫାଇନାଲରେ କିର୍ଗିଜସ୍ତାନର ଝୋଲାମାନ୍ ଶାର୍ଶେନକୋଭଙ୍କୁ ୪-୦ରେ ପରାସ୍ତ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
