ଭୁବନେଶ୍ୱର (ଓଡ଼ିଶା ରିପୋର୍ଟର): ଭାରତ ବିପକ୍ଷ ସିରଜ ପୂର୍ବରୁ ଅଷ୍ଟ୍ରେଲିଆ ଦେଖାଇଲା ଦମ୍: ଆଜି ଖେଳାଯାଇଥିବା ଏକ ଅଭ୍ୟାସ୍ ମ୍ୟାଚ୍ରେ ଭାରତୀୟ ବୋର୍ଡ ପ୍ରେସିଡେଣ୍ଟସ୍ ଇଲେଭେନ୍କୁ ୧୦୩ ରନରେ ହରାଇଲା ଅଷ୍ଟ୍ରେଲିଆ ଟିମ୍। ଟସ୍ ଜିତି ପ୍ରଥମେ ବ୍ୟାଟିଂ କରି ଅଷ୍ଟ୍ରେଲିଆ ଟିମ୍ ନିର୍ଦ୍ଧାରିତ ୫୦ ଓଭରରେ ୭ୱିକେଟ୍ ହରାଇ ୩୪୭ ରନ୍ ସଂଗ୍ରହ କରିଥିଲା। ଜବାବରେ ବୋର୍ଡ ପ୍ରେସିଡେଣ୍ଟସ୍ ଇଲେଭେନ୍ ୪୮.୨ ଓଭର୍ରେ ୨୪୪ ରନ୍ କରି ଅଲଆଉଟ୍ ହୋଇଯାଇଛି।
ଅଷ୍ଟ୍ରେଲିଆ ପକ୍ଷରୁ ୪ଜଣ ବ୍ୟାଟ୍ସମ୍ୟାନ୍ ଅର୍ଦ୍ଧଶତକ ହାସଲ କରିଛନ୍ତି। ଅଷ୍ଟ୍ରେଲିଆ ପକ୍ଷରୁ ଡେଭିଡ୍ ୱାର୍ଣ୍ଣର୍ ୬୪, ସ୍ମିଥ୍ ୫୫, ଟ୍ରାବିସ୍ ହେଡ୍ ୬୫ ଓ ମାର୍କସ୍ ଷ୍ଟୋନିସ୍ ୭୬ ରନ୍ର ପାଳି ଖେଳି ଟିମ୍ରେ ସ୍କୋର୍କୁ ୩୪୭ରନ୍ରେ ପହଞ୍ଚାଇଥିଲେ। ଅଷ୍ଟ୍ରେଲିଆ ବ୍ୟାଟିଂ ଆଗରେ ବୋର୍ଡ ପ୍ରେସିଡେଣ୍ଟସ୍ ଇଲେଭେନ୍ର ବୋଲର୍ ଦିଗହରା ହୋଇଯାଇଥିଲେ। ଅନ୍ୟପଟେ ଅଷ୍ଟ୍ରେଲିଆର ଆକ୍ରମଣାତ୍ମକ ବୋଲିଂ ଆଗରେ ବୋର୍ଡ ପ୍ରେସିଡେଣ୍ଟସ୍ ଇଲେଭେନ୍ର କୌଣସି ବ୍ୟାଟ୍ସମ୍ୟାନ୍ ତିଷ୍ଟି ପାରିନଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।