କଟକ: ଆସନ୍ତା ୫ ତାରିଖରେ ବାରବାଟୀରେ ପ୍ରଥମ ଅନ୍ତର୍ଜାତୀୟ ଟି-୨୦ ମ୍ୟାଚ୍ ଖେଳାଯିବ । ଏଥିପାଇଁ ଆସନ୍ତାକାଲିଠୁ ଟିକେଟ ବିକ୍ରି ଆରମ୍ଭ ହେବ। ଷ୍ଟେଟବ୍ୟାଙ୍କ ଦ୍ୱାରା ଓସିଏ କନଫରେନସ ହଲରେ ଓସିଏ ଅନୁବନ୍ଧିତ କ୍ଲବ, ସ୍କୁଲ, କଲେଜ ସହ ବିସିସିଆଇ ଅନୁମୋଦିତ ୟୁନିଟଗୁଡ଼ିକ ୧୩ ହଜାର ଟିକେଟ ବିକ୍ରି କରିବେ। ତେବେ ସାଧାରଣ ଦର୍ଶକମାନଙ୍କ ପାଇଁ ଆସନ୍ତା ୧ ତାରିଖ ଓ ୩ ତାରିଖରେ ବାରବାଟୀର ୩ଟି କାଉଣ୍ଟରରେ ଟିକଟ ବିକ୍ରି କରାଯିବ। ବର୍ତ୍ତମାନ ସୁଦ୍ଧା ଅନଲାଇନରେ ୬ ହଜାରୁ ଅଧିକ ଟିକେଟ ବିକ୍ରି ସରିଥିବା ସୂଚନା ମିଳିଛି। ମ୍ୟାଚ୍ ପାଇଁ ପିଚରୁ ଆଉଟଫିଲଡ୍ ସମସ୍ତ କାମ ଶେଷ ପର୍ଯ୍ୟାୟରେ ପହଁଞ୍ଚିଛି। ସୁରକ୍ଷା ଦୃଷ୍ଟିରୁ ସୁରକ୍ଷାକର୍ମୀମାନେ ପିଚକୁ ଜଗି ରହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।