ବାରବାଟୀରେ ଭାରତ-ଦକ୍ଷିଣ ଆଫ୍ରିକା ଟି-ଟ୍ୱେଣ୍ଟି ମ୍ୟାଚ୍: ଆଜିଠାରୁ ଅନଲାଇନ୍ ଟିକେଟ୍ ବିକ୍ରି

କଟକ: ଆସନ୍ତା ୫ ତାରିଖରେ ବାରବାଟୀରେ ଖେଳାଯିବାକୁ  ଥିବା ଭାରତ-ଦକ୍ଷିଣ ଆଫ୍ରିକା ଟ୍ୱେଣ୍ଟି ମ୍ୟାଚ୍ ପାଇଁ ଆଜିଠୁ ଅନଲାଇନ୍ ଟିକେଟ୍ ବିକ୍ରି କରାଯିବ। ଡବ୍ଲୁଡବ୍ଲୁଡବ୍ଲୁ ଡଟ୍ ଟିକେଟ୍ ଡଟ୍ ଜେନି ଡଟ୍ ଇନରେ ଟିକେଟ୍ ଉପଲବ୍ଧ ହେବ। ମ୍ୟାଚ୍ ଲାଗି ୩୩ ହଜାରରୁ ଅଧିକ ଟିକେଟ୍ ବିକ୍ରି ପାଇଁ ରଖାଯାଇଥିବା ବେଳେ ଅନଲାଇନରେ ୭ ହଜାରରୁ ଅଧିକ ଟିକେଟ୍ ବିକ୍ରି ହେବ। ଆସନ୍ତା ୨୯ ତାରିଖ ପର୍ଯ୍ୟନ୍ତ ଅନଲାଇନ୍ ଟିକେଟ୍ ବିକ୍ରି ଚାଲିବ। ଏହାପରେ ସାଧାରଣ ଦର୍ଶକଙ୍କ ପାଇଁ ଆସନ୍ତା ୧ ଓ ୩ ତାରିଖରେ ଷ୍ଟାଡିୟମର ୩ଟି କାଉଣ୍ଟରରେ ଟିକେଟ୍ ବିକ୍ର ପାଇଁ ବ୍ୟବସ୍ଥା ହୋଇଛି। ବାରବାଟୀ ଷ୍ଟାଡିୟମରେ ପ୍ରଥମ ଥର ପାଇଁ ହେବାକୁ ଥିବା ଏଇ ଅନ୍ତର୍ଜାତୀୟ ଟି-ଟ୍ୱେଣ୍ଟି ମ୍ୟାଚ୍ ପାଇଁ ଓସିଏ ବ୍ୟାପକ ପ୍ରସ୍ତୁତି କରିଛି। ପିଚ୍ ଠାରୁ ଆଉଟଫିଲଡ, ଗ୍ୟାଲେରୀରୁ ପ୍ୟାଭେଲିୟନ ସବୁଠି କାମ ଜୋରସୋରରେ ଆଗେଇ ଚାଲିଛି। ବର୍ଷାଦିନ ପାଇଁ ଆଉଟଫିଲଡକୁ ସମ୍ପୂର୍ଣ୍ଣ ବାଲିରେ କଭର କରାଯାଇଛି। ଏହାସହ ପିଚରେ ନୂଆ ମାଟି ମଧ୍ୟ ପଡିଛି। ମ୍ୟାଚ୍ ପାଇଁ କ୍ରିକେଟ୍ ପ୍ରେମୀ ବି ବେଶ୍ ଉତ୍ସାହିତ ଅଛନ୍ତି।