ଭୁବନେଶ୍ୱର: ପେସ୍ ବୋଲର ବସନ୍ତ ମହାନ୍ତି ହାସଲ କରିଛନ୍ତି ହ୍ୟାଟ୍ରିକ୍। ଭୁବନେଶ୍ୱର କିଟ୍ ଷ୍ଟାଡିୟମରେ ଅନୁଷ୍ଠିତ ଦିଲ୍ଲୀ ବିପକ୍ଷ ରଣଜୀ ମ୍ୟାଚର ଅନ୍ତିମ ଦିନରେ ସୋମବାର ଏହି ସଫଳତା ହାସଲ କରିଛନ୍ତି ବସନ୍ତ । ଦିଲ୍ଲୀର ଦ୍ୱିତୀୟ ଇନିଂସର ୩୦ତମ ଓଭରର ପ୍ରଥମ ୩ଟି ବଲରେ ପୁନିତ ବିଷ୍ଟ, ସୁବୋଧ ଭଟି ଏବଂ ପୁଲକିତ ନାରଙ୍ଗଙ୍କୁ ଆଉଟ୍ କରିଥିଲେ ବସନ୍ତ । ରଣଜୀ ଟ୍ରଫିରେ ହ୍ୟାଟ୍ରିକ୍ ନେବାରେ ବସନ୍ତ ତୃତୀୟ ଓଡିଆ ବୋଲର । ପୂର୍ବରୁ ୧୯୮୭-୮୮ରେ ସୌରଜିତ ମହାପାତ୍ର ତ୍ରିପୁରା ବିପକ୍ଷରେ ଏବଂ ୨୦୦୧-୦୨ରେ ଅଜୟ ବାରିକ ଆସାମ ବିପକ୍ଷରେ ଏହି ସଫଳତା ହାସଲ କରିଥିଲେ।
ଏହି ମ୍ୟାଚ୍ ଡ୍ର ହୋଇ ଯାଇଛି। ତେବେ ପ୍ରଥମ ଇନିଂସ ଅଗ୍ରଣୀ ଭିତ୍ତିରେ ଦିଲ୍ଲୀ ୩ ପଏଣ୍ଟ ପାଇଥିବା ବେଳେ ଓଡ଼ିଶା ୧ ପଏଣ୍ଟ ପାଇଛି। ଦିଲ୍ଲୀ ପ୍ରଥମ ଓ ଦ୍ୱିତୀୟ ଇନିଂସରେ ଯଥାକ୍ରମେ ୩୧୧ ଓ ୧୯୩/୯ ରନ୍ କରିଥିଲା। ଓଡ଼ିଶା ପ୍ରଥମ ଇନିଂସରେ ୨୧୭ ରନରେ ଅଲ୍ ଆଉଟ୍ ହୋଇଯାଇଛି। ଦ୍ୱିତୀୟ ଇନିଂସରେ ଦଳ ମ୍ୟାଚ୍ ଶେଷ ସୁଦ୍ଧା ୩ ୱିକେଟ୍ ହରାଇ ୮୮ ରନ୍ କରିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
