ମିରଟ: ଭାରତୀୟ ଦଳର ଫାଷ୍ଟ ବୋଲର ଭୁବନେଶ୍ୱର କୁମାର ଓ ତାଙ୍କ ପିତାଙ୍କୁ ଜମିଜମା ମାମଲାରେ ରବିବାର ହତ୍ୟା ଧମକ ଦିଆଯାଇଥିବା ଅଭିଯୋଗ ହୋଇଛି। ଏ ନେଇ ଏହି କ୍ରିକେଟରଙ୍କ ପିତା କୀରନପାଲ ସିଂ ଇଞ୍ଚାଉଲି ପୋଲିସ ଷ୍ଟେସନରେ ଲିଖିତ ଅଭିଯୋଗ କରିଛନ୍ତି। ଲିଖିତ ଅଭିଯୋଗରୁ ଜଣାପଡିଛି ଯେ, ଜମି କିଣିବା ପାଇଁ ବୁଲନ୍ଦଶାହାର ଜିଲ୍ଲାର ନିବାସୀ ରଣବୀର ସିଂ (ଏକ ହତ୍ୟା ମାମଲରେ ଦୋଷୀ ସାବ୍ୟସ୍ତ ହୋଇ ଜେଲଦଣ୍ଡ ଭୋଗୁଛନ୍ତି) ସହିତ କୀରଣପାଲ ମଧ୍ୟରେ ଏକ ୮୦ ଲକ୍ଷର ଏକ ବୁଝାବଣା ହୋଇଥିଲା। ଭୁବନେଶ୍ୱର କୁମାର ଓ ତାଙ୍କ ପିତାଙ୍କ ପକ୍ଷରୁ ଇଣ୍ଟରନେଟ ବ୍ୟାଙ୍କିଂ ମାଧ୍ୟମରେ ଅର୍ଥ ପୈଠ କରିଥିଲେ ମଧ୍ୟ ରଣବୀର ସିଂ ଜମି ଦେଇ ନ ଥିଲେ । ଏପରିକି ନେଇଥିବା ଅର୍ଥ ମଧ୍ୟ ଫେରସ୍ତ କରି ନ ଥିଲେ । ଭୁବନେଶ୍ୱର ଓ ତାଙ୍କ ପିତା ଅର୍ଥ ଦାବି କରିବାକୁ ତାଙ୍କୁ ହତ୍ୟା ଧମକ ଦେଇଥିବା ଅଭିଯୋଗରେ ଦର୍ଶାଯାଇଛି।
ସୂଚନାଯୋଗ୍ୟ ଗତ ଏପ୍ରିଲ ମାସରେ ଜମି କିଣା କିଣି ପାଇଁ ଅର୍ଥପୈଠ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
