ଦୃଷ୍ଟିହୀନ କ୍ରିକେଟ ବିଶ୍ୱକପ୍‌ ହାତେଇଲା ଟିମ୍‌ ଇଣ୍ଡିଆ

ଦୁବାଇ: ଦୃଷ୍ଟିହୀନ କ୍ରିକେଟ ବିଶ୍ୱକପ ହାତେଇଲା ଟିମ୍‌ ଇଣ୍ଡିଆ। ପାରମ୍ପରିକ ପ୍ରତିନ୍ଦ୍ୱନ୍ଦ୍ୱୀ ପାକିସ୍ତାନକୁ ଦୁଇ ୱିକେଟରେ ହରାଇ ବିଶ୍ୱ ଚାମ୍ପିଅନ ହୋଇଛି ଭାରତ। ଭାରତ ବିଜୟରେ ପ୍ରମୁଖ ଭୂମିକା ନେଇଥିଲେ ସୁନୀଲ ରମେଶ। ସେ ଧୂଆଧାର ୯୩ ବ୍ୟାଟିଂ କରିଥିଲେ।

ୟୁଏଇର ସାରଜାହରେ ଖେଳାଯାଇଥିଲା ଏହି ରୋମାଞ୍ଚକର ଫାଇନାଲ ମ୍ୟାଚ୍ ପ୍ରଥମେ ବ୍ୟାଟିଂ କରି ପାକିସ୍ତାନ ଟିମ ଇଣ୍ଡିଆ ଆଗରେ ୩୦୮ ରନର ଟାର୍ଗେଟ ଦେଇଥିଲା। ଟାର୍ଗେଟକୁ ପିଛା କରି ଆରମ୍ଭରୁ ଦମଦାର ପ୍ରଦର୍ଶନ କରିଥିଲା ଟିମ ଇଣ୍ଡିଆ। ଭାରତ ପକ୍ଷରୁ ସୁନୀଲ ରମେଶ ୯୩ ରନ୍‌ ଓ ଅଜୟ କୁମାର ରେଡ୍ଡୀ ୬୨ ରନ୍‌ କରିଥିଲେ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଥିପାଇଁ ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି।