ମୁମ୍ବାଇ: ରବିବାର ମୁମ୍ବାଇର ୱେଙ୍ଖେଡ ଷ୍ଟାଡିୟମରେ ଖେଳାଯିବ ଗାନ୍ଧି-ମେଣ୍ଡେଲା ସିରିଜର ଶେଷ ଦିନିକିଆ। ଏହି ଶୃଙ୍ଗଳାରେ ଭାରତ-ଦକ୍ଷିଣ ଆଫ୍ରିକା ୨-୨ରେ ବରାବର ସ୍ଥିତିରେ ରହିଛନ୍ତି । ଏହି ମ୍ୟାଚ ଜିତି ଉଭୟ ଦଳ ସିରିଜ ହାତେଇକୁ ଚେଷ୍ଟା କରିବେ। ଏଥିପାଇଁ ଉଭୟ ଦଳ ସ୍ୱତନ୍ତ୍ର ରଣ କୌଶଳ ଆପଣେଇଛନ୍ତି। ଭାରତ ଗତ ମ୍ୟାଚର ବିଜୟକୁ ଏହି ମ୍ୟାଚରେ ବଳବତ୍ତର ରଖିବାକୁ ଚେଷ୍ଟା କରିବ । ଫର୍ମକୁ ଫେରିଥିବା ବ୍ୟାଟ୍ସମ୍ୟାନ କୋହଲି, ରାଇନା ଓ ଶିଖର ଧୱାନ ଆସନ୍ତାକାଲି ତାଙ୍କ ପୂର୍ବ ପ୍ରଦର୍ଶନ ଜାରି ରଖିବେ ବୋଲି ଅଧିନାୟକ ଧୋନି ଆଶାବାଦୀ ଥିବା କହିଛନ୍ତି । ଜବରଦସ୍ତ ଫର୍ମରେ ଥିବା ଦକ୍ଷିଣ ଆଫ୍ରିକା ଦଳ ଗତ ମ୍ୟାଚରେ କରିଥିବା ତ୍ରୁଟି ସୁଧାରି ସିରିଜ ହାତେଇବା ଯୋଜନାରେ ରହିଛି । ଆସନ୍ତାକାଲି ଅପରାହ୍ନ ସାଢେ ଗୋଟାଏରେ ମ୍ୟାଚ ଆରମ୍ଭ ହେବ । ପୂର୍ବରୁ ଦକ୍ଷିଣ ଆଫ୍ରିକା ଦଳ ୩ଟିକିଆ ଟି-ଟ୍ୱେଣ୍ଟି ସିରିଜକୁ ୨-୦ରେ ଭାରତକୁ ପରାସ୍ତ କରିଥିଲା ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
