ମୁମ୍ବାଇ: ଭାରତୀୟ କ୍ରିକେଟ ଖେଳାଳି ହରଭଜନ ସିଂହଙ୍କ ଘରକୁ ଆସିଲା ନୂଆ ଅତିଥି। ପୁଣି ବାପା ହେଲେ ଭଜ୍ଜି। ତାଙ୍କ ପତ୍ନୀ ଗୀତା ବସରା ଆଜି ଏକ ପୁତ୍ର ସନ୍ତାନକୁ ଜନ୍ମ ଦେଇଛନ୍ତି। ଗୀତ ଏବଂ ହରଭଜନଙ୍କ ଏହି ଖୁସି ଖରବ ସାମ୍ନାକୁ ଆସିବା ପରେ ତାଙ୍କ ପାଖକୁ ଚାରିଆଡୁ ଶୁଭେଚ୍ଛାର ସୁଅ ଛୁଟିଛି।
ଗୀତା ବସରା ସୋଶାଲ ମିଡିଆରେ ବେଶ୍ ଆକ୍ଟିଭ। ପୂର୍ବରୁ ସେ ଦ୍ୱିତୀୟ ଥର ମା’ ହେବାକୁ ଯାଉଥିବା ନେଇ ସୋଶାଲ ମିଡିଆରେ ଫଟୋ ସେଆର କରି ସୂଚନା ଦେଇଥିଲେ। ଏଥିସହ ଗର୍ଭବତୀ ଥିବା ସମୟରେ ଅନେକ ଫଟୋ ମଧ୍ୟ ସେଆର କରିଥିଲେ। ଯାହା ସୋଶାଲ ମିଡିଆରେ ଭାଇରାଲ ହୋଇଥିଲା।
ଗୀତା ଏବଂ ହରଭଜନଙ୍କ ପୂର୍ବରୁ ମଧ୍ୟ ଗୋଟିଏ ଝିଅ ଅଛି। ତା’ର ନାଁ ହିନାୟା। ହିନାୟାର ଜନ୍ମ ୨୭ ଜୁଲାଇ ୨୦୧୬ରେ ହୋଇଥିଲା। ଅଭିନେତ୍ରୀ ଗୀତା ବସରା କ୍ରିକେଟର ହରଭଜନ ସିଂହଙ୍କ ସହ ୨୯ ଅକ୍ଟୋବର ୨୦୧୫ରେ ପଞ୍ଜାବର ଜାଲନ୍ଧରରେ ବିବାହ କରିଥିଲେ। ସେତେବେଳେ ତାଙ୍କ ବିବାହରେ କ୍ରିକେଟ ଏବଂ ଫିଲ୍ମୀ ଜଗତର ନାମୀଦାମୀ କଳାକାର ସାମିଲ ହୋଇଥିଲେ।
View this post on Instagram
View this post on Instagram