ଅହମ୍ମଦାବାଦ: ପୁଣି ନିଜ ବ୍ୟାଟରେ ଦମ୍ ଦେଖାଇଛନ୍ତ ଯୁବ ୱିକେଟକିପର ବ୍ୟାଟ୍ସମ୍ୟାନ୍ ଋଷଭ ପନ୍ତ। ଇଂଲଣ୍ଡ ବିପକ୍ଷ ଏଠାରେ ଚାଲିଥିବା ଚତୁର୍ଥ ଟେଷ୍ଟରେ ପନ୍ତ ଚମତ୍କାର ବ୍ୟାଟିଂ କରି ଶତକ ହାସଲ କରିଛନ୍ତି। ପନ୍ତ ମାତ୍ର ୧୧୫ ବଲରେ ନିଜର ତୃତୀୟ ଶତକ ମାରିଛନ୍ତି।
ଆରମ୍ଭରୁ ପନ୍ତ ଧୈର୍ଯ୍ୟର ସହ ବ୍ୟାଟିଂ କରିଥିଲେ। କିନ୍ତୁ ଅର୍ଦ୍ଧଶତକ ପରେ ପନ୍ତ ନିଜର ରନ୍ ଗତି ବଢ଼ାଇଥିଲେ। ବିଶେଷକରି ନୂଆ ବଲ୍ ଆସିବା ପରେ ପନ୍ତ ଚୌକା ବର୍ଷା କରିଥିଲେ। ତେବେ ବ୍ୟକ୍ତିଗତ ୯୪ ରନ କରିଥିବା ବେଳେ ପନ୍ତ ବିରୋଧୀ ଦଳର କ୍ୟାପଟେନ୍ ଜୋ ରୁଟଙ୍କୁ ଛଡ଼ା ମାରି ଶତକ ପୂରଣ କରିଥିଲେ। ଶତକ ମାରିବାର ପରବର୍ତ୍ତୀ ଓଭରରେ ପନ୍ତ ନିଜ ୱିକେଟ୍ ଦେଇ ବସିଥିଲେ। ପନ୍ତଙ୍କୁ ଇଂଲଣ୍ଡର ଅଭିଜ୍ଞ ବୋଲର ଜେମ୍ସ ଆଣ୍ଡରସନ୍ ଆଉଟ୍ କରିଛନ୍ତି।
ପନ୍ତଙ୍କ ଏହି ଶତକୀୟ ଇନିଂସ୍ ବଳରେ ଭାରତ ଇଂଲଣ୍ଡ ବିପକ୍ଷରେ ପ୍ରଥମ ଇନିଂସ୍ ଲିଡ୍ କରିଛି। ପନ୍ତଙ୍କ ବ୍ୟତୀତ ରୋହିତ୍ ଶର୍ମା ଓ ୱାଶିଂଟନ୍ ସୁନ୍ଦର ଉପଯୋଗୀ ଇନିଂସ୍ ଖେଳିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
