ଦକ୍ଷିଣ ଆଫ୍ରିକା ଆଗରେ ୨୩୮ ରନ୍‌ର ଟାର୍ଗେଟ, ଭାରତୀୟ ଦଳର ଛକା ଓ ଚୌକା ବର୍ଷା

ଗୌହାଟୀ: ଆଜି ଖେଳା ଯାଇଥିବା ଦ୍ୱିତୀୟ ଟି-୨୦ରେ ଦକ୍ଷିଣ ଆଫ୍ରିକା ବିରୋଧରେ ୨୩୮ ରନ୍‌ର ବିଜୟ ଲକ୍ଷ୍ୟ ରଖିଛି ଭାରତ। ଟସ୍ ଜିତି ଦକ୍ଷିଣ ଆଫ୍ରିକା ବୋଲିଂ ନିଷ୍ପତ୍ତି ନେଇଥିଲା। ତେଣୁ ଭାରତୀୟ ଟିମ୍ ବ୍ୟାଟିଂ କରିବାକୁ ଓହ୍ଲାଇଥିଲା। ଭାରତୀୟ ଟିମ୍ ୨୦ ଓଭରରେ ୩ ୱିକେଟ ହରାଇ ୨୩୭ ରନ୍ କରିଛି। ଏଥିରେ ରାହୁଲ ଓ ସୂର୍ଯ୍ୟ କୁମାର ଯାଦବଙ୍କ ବିସ୍ଫୋରକ ଅର୍ଦ୍ଧଶତକ ଦେଖିବାକୁ ମିଳିଥିଲା। ତେବେ କୋହଲି ଅଳ୍ପକେ ଅର୍ଦ୍ଧଶତକ କରିବାରୁ ବଞ୍ଚିତ ହୋଇଥିଲେ।

ଆରମ୍ଭରୁ ହିଁ ଓପନର କେଏଲ ରାହୁଲ ଓ କ୍ୟାପଟେନ୍ ରୋହିତ ଶର୍ମା ଦୃତଗତିରେ ରନ୍‌ କରିଥିଲେ। ତେବେ କେଏଲ ରାହୁଲ ୫୭ ରନ୍‌ରେ(୨୮ ବଲ୍, ୪ ଛକ, ୫ ଚୌକା)ଓ ରୋହିତ ଶର୍ମା ୪୩ ରନ୍(୩୭ ବଲ୍, ଗୋଟିଏ ଛକା, ୭ ଚୌକା) କରି ଆଉଟ ହୋଇଥିଲେ । ତାଙ୍କ ପରେ ଆସିଥିବା ବିରାଟ କୋହଲି ଅପରାଜିତ ୪୯ ରନ୍(୨୮ ବଲ, ୧ଛକା, ୭ ଚୌକା), ସୂର୍ଯ୍ୟକୁମାର ଯାଦବ ୬୧ରନ୍(୨୨ ବଲ, ୫ଛକା, ୫ ଚୌକା), ଦିନେଶ କାର୍ତ୍ତିକ ଅପରାଜିତ ୧୭ ରନ୍(୭ ବଲ, ୨ ଛକା, ୧ ଚୌକା) କରିଥିଲେ। କୋହଲି ଓ ସୂର୍ଯ୍ୟକୁମାରଙ୍କ ଧମାକାଦାର ଛକା, ଚୌକା ଦେଖି ଦର୍ଶକ ଉତ୍‌ଫୁଲିତ ହୋଇପଡ଼ିଥିଲେ।

ଧମାକାଦାର ଖେଳ ଦେଖାଇବା ସହ ସୂର୍ଯ୍ୟ କୁମାର ଦୃତ ଟି-୨୦ ଭାରତୀୟ ବ୍ୟାଟ୍ସ ମ୍ୟାନ୍ ଭାବେ ୧ହଜାର ରନର କରିବାର ରେକର୍ଡ କରିଛନ୍ତି। ସେହିପରି ପ୍ରଥମ ଭାରତୀୟ ଟି-୨୦ ଖେଳାଳି ଭାବେ କୋହଲି ୧୧ ହଜାର ରନ୍ କରି ମାଇଲଖୁଣ୍ଟ ସ୍ଥାପନ କରିଛନ୍ତି।

ଦକ୍ଷିଣ ଆଫ‍୍ରିକା ପକ୍ଷରୁ କେଶବ ମହାରାଜ ୨ଟି ୱିକେଟ(ରାହୁଲ ଓ ରୋହିତ) ନେଇଥିଲେ। ସୂର୍ଯ୍ୟକୁମାର ରନ୍‌ ଆଉଟ ହୋଇଥିଲେ।

ଟି-୨୦ର ଏହି ବିଶାଳ ସ୍କୋରକୁ ଚେସ୍ କରିବ ଦକ୍ଷିଣ ଆଫ୍ରିକା ଟିମ୍ ଆଗରେ ଚ୍ୟାଲେଞ୍ଜ ସୃଷ୍ଟି କରିଛି।

ଟିମ ଦକ୍ଷିଣ ଆଫ୍ରିକା: ତେମ୍ବା ବଭୂମା, କ୍ୱିଣ୍ଟନ ଡି’କକ, ରିଜା ହେଣ୍ଡ୍ରିକସ, ରିଲେ ରୋସୁ, ଏଡେନ ମାର୍କମ, ଡାଭିଡ ମିଲର, ତ୍ରିସ୍ତାନ ଷ୍ଟବସ, ୱେନ ପାର୍ନେଲ, କେଶବ ମହାରାଜ, କାଗିସୋ ରାବଡା, ଅନରିଚ ନରତେଜ୍, ଲୁଙ୍ଗି ଏନଗିଡ଼ି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।