ବାଙ୍ଗାଲୁରୁ: ଉନ୍ମକ୍ତ ଚାନ୍ଦଙ୍କ ଧୂଆଁଧାର ୮୦ ରନ ବଳରେ ଦିଲ୍ଲୀ ହିମାଚଳ ପ୍ରଦେଶକୁ ୬ ୱିକେଟରେ ହରାଇ ବିଜୟ ହଜାରେ ଟ୍ରଫିର ଫାଇନାଲରେ ପ୍ରବେଶ କରିଛି। ଏମ ଚିନାସ୍ୱାମୀ ଷ୍ଟାଡିୟମରେ ଟସ୍ ଜିତି ଦିଲ୍ଲୀ ଅଧିନାୟକ ଗୌତମ ଗମ୍ଭିର ଫିଲ୍ଡିଂ କରିବାକୁ ନିଷ୍ପତ୍ତି ନେଇଥିଲେ। ଦିଲ୍ଲୀ ବୋଲରମାନେ ନିର୍ଦ୍ଧାରିତ ୫୦ ଓଭରରେ ହିମାଚଳ ପ୍ରଦେଶର ୨୦୦ ରନରେ ସୀମିତ ରଖିଥିଲେ। ହିମାଚଳ ପ୍ରଦେଶ ତରଫରୁ ବିପ୍ଲବ ଶର୍ମା ୫୧ ବଲରେ ୪୫ ରନ ସଂଗ୍ରହ କରିଥିଲେ। ଏଥିରେ ୪ଟି ଚୌକା ଓ ୩ଟି ଛକା ସାମିଲ ଥିଲା। ଦଳ ୧୩୧ ରନରେ ୭ଟି ୱିକେଟ ହରାଇ ଥିଲା। ଅଷ୍ଟମ ୱିକେଟରେ ଶର୍ମା, ମାୟଙ୍କ ଡଗରଙ୍କୁ ସାଙ୍ଗ କରି ୫୭ ରନର ଗୁରୁତ୍ୱପୂର୍ଣ୍ଣ ପାଳି ଖେଳିଥିଲେ।
୨୦୧ ରନର ବିଜୟ ଲକ୍ଷ୍ୟ ନେଇ ଦିଲ୍ଲୀ ପଡିଆକୁ ଓହ୍ଲାଇ ଥିଲା। ଦଳ ପକ୍ଷରୁ ଚାନ୍ଦ ୮୬ ବଲରେ ୮୦ ରନ କରି ନଟଆଉଟ ରହିଥିଲେ। ଏଥିରେ ୭ଟି ଚୌକା ଓ ୨ଟି ଛକା ସାମିଲ ଥିଲା। ଦଳ ପକ୍ଷରୁ ଶିଖର ଧୱନ ୩୯, ଗୌତମ ଗମ୍ଭିର ୧୬, ରିଶଭ ବାଣ୍ଟ ୧୮, ମିଲନ୍ଦ ୧୦ କରିଥିଲେ। ନିତିଶ ରଣା ୧୯ ରନ୍ କରି ନଟଆଉଟ ରହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।