ଧୋନୀ ଓ ଜାଡ଼େଜା ଭଦ୍ର କ୍ରିକେଟର୍‌, ଚାପେଲଙ୍କ ସମୟ ଥିଲା ଖରାପ: ନେହେରା

ନୂଆଦିଲ୍ଲୀ (ଓଡ଼ିଶା ରିପୋର୍ଟର): ଆସନ୍ତା ନଭେମ୍ବର ୧ ତାରିଖ ଦିନ ନ୍ୟୁଜିଲାଣ୍ଡ ବିପକ୍ଷ ଟି-ଟ୍ୱେଣ୍ଟି ହେବ ଆଶିଷ ନେହେରାଙ୍କ ଜୀବନର ଶେଷ ମ୍ୟାଚ୍‌। ଏହାପରେ ସେ ଅନ୍ତର୍ଜାତୀୟ ମ୍ୟାଚରୁ ସନ୍ୟାସ ନେବେ। ଦୀର୍ଘ ୨୦ ବର୍ଷ ଅନ୍ତର୍ଜାତୀୟ କ୍ରିକେଟ୍‌ କ୍ୟାରିୟର ଭିତରେ ନେହେରା ଅନେକ ଥର ଟିମ୍‌ ଇଣ୍ଡିଆକୁ ଜିତାଇଛନ୍ତି। ତାଙ୍କର ଦଳରେ ଅନେକ ଅଭିଜ୍ଞତା ରହିଛି। ନିକଟରେ ନେହେରାଙ୍କୁ ନେଇ ଚର୍ଚ୍ଚା ଜୋର ଧରିଛି। ଟିମ୍‌ ଇଣ୍ଡିରେ ତାଙ୍କର ୨୦ ବର୍ଷ କ୍ୟାରିୟର ମଧ୍ୟରେ ଅଜୟ ଜାଡେଜା ଓ ଧୋନିଙ୍କୁ ଭଦ୍ର ଖେଳାଳି ଭାବେ ସେ କହିଛନ୍ତି। ନେହେରା ଏହାମଧ୍ୟ କହିଛନ୍ତି, ଭାରତର କୋଚ ଜନ୍‌ ରାଇଟ୍‌ ଥିବାବେଳେ ସେ ଭଲ ବୋଲିଂ କରିଥିଲେ ହେଲେ ଚାପେଲ ଯେତେବେଳେ ଭାରତର କୋଚ୍‌ ହେଲେ ସେତେବେଳେ ତାଙ୍କର ଖରାପ ସମୟ ଚାଲିଥିଲା ବୋଲି ନେହାର କହିଛନ୍ତି। କେବଳ ନିଜେ  ନୁହେଁ ଭାରତୀୟ ଟିମ୍‌ ମଧ୍ୟ ଚାପେଲଙ୍କ ସମୟରେ ଖରାପ ପଦର୍ଶନ କରିଥିଲା। କ୍ରିକେଟରୁ ସନ୍ୟାସ ପରେ ଏବେ କୋଚିଂରେ କୌଣସି ଇଛା ନାହିଁ ବୋଲି ସେ କହିଥିଲେ।