ଭୁବନେଶ୍ୱର (ଓଡ଼ିଶା ରିପୋର୍ଟର): ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ରାହୁଲ ଦ୍ରାବିଡ଼ କେବଳ ଜଣେ ଭଲ କ୍ରିକେଟର୍ ନୁହଁନ୍ତି ସେ ଜଣେ ଭଲ ମଣିଷ ମଧ୍ୟ। ଏହା ପୁଣି ଥରେ ପ୍ରମାଣିତ ହୋଇଛି। ୪୪ ବର୍ଷୀୟ ଦ୍ରାବିଡଙ୍କର ଏକ ଫଟୋ ଏବେ ସୋସିଆଲ ମିଡିଆରେ ଭାଇରାଲ୍ ହୋଇଛି। ଏଥିରେ ସେ ତାଙ୍କ ପୁଅ ସହିତ ଲାଇନ୍ରେ ଛିଡ଼ା ହୋଇଛନ୍ତି। ତାଙ୍କ ପୁଅ ଆଗରେ ଅଛନ୍ତି। ତାଙ୍କ ପରେ ଜଣେ ଝିଅ ଛିଡ଼ା ହୋଇଛି। ତା’ପରେ ରାହୁଲ ଛିଡ଼ା ହୋଇଛନ୍ତି। ଏହି ଫଟୋ ଏକ ବିଜ୍ଞାନ ମେଳାର ବୋଲି ଜଣାପଡ଼ିଛି।ସେଠାରେ ବିଭିନ୍ନ ଷ୍ଟଲ୍ ଦେଖିବା ପାଇଁ ଲାଇନରେ ଯିବାକୁ ବ୍ୟବସ୍ଥା କରାଯାଇଥିଲା। ଦ୍ରାବିଡ଼ ଜଣେ ପ୍ରସିଦ୍ଧ କ୍ରିକେଟର୍ ହୋଇଥିଲେ ମଧ୍ୟ ପୁଅ ସହିତ ଲାଇନ୍ରେ ଛିଡ଼ା ହୋଇଥିଲେ। ଏହି ଫଟୋକୁ ୩୧୦୦ରୁ ଅଧିକ ଲୋକ ରିଟ୍ୱିଟ୍ କରିବା ସହ ୬୦୦୦ରୁ ଅଧିକ ଲୋକ ଲାଇକ୍ କରିସାରିଲେଣି। ରାହୁଲ ଦ୍ରାବିଡ଼ ଟେଷ୍ଟରେ ୧୩,୨୮୮ ରନ୍ କରିଥିବା ବେଳେ ଦିନିକିଆରେ ୧୦,୮୮୯ ରନ୍ କରିଛନ୍ତି।
୨୦୦୩ରେ ଦ୍ରାବିଡ଼ଙ୍କ ଡାକ୍ତର ବିଜେତା ପେନ୍ଧାରକରଙ୍କୁ ବିବାହ କରିଥିଲେ। ତାଙ୍କର ଦୁଇଟି ପୁଅ- ସମିତ ଓ ଅନଭ୍ୟ।