କମ୍ ବ୍ୟାକ୍ କଲା ଇଂଲଣ୍ଡ, ଅଷ୍ଟ୍ରେଲିଆ ବିପକ୍ଷ ସିରିଜ୍ ୧-୧ରେ ବରାବର୍

ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ ଦ୍ୱିତୀୟ ଦିନିକିଆରେ ରୋମାଞ୍ଚକର ବିଜୟ ସହ ୱିନିଂ ଟ୍ରାକ୍ କୁ କମବ୍ୟାକ୍ କରିଛି ବିଶ୍ୱ ଚାମ୍ପିଅନ୍ ଘରୋଇ ଇଂଲଣ୍ଡ। କଙ୍ଗାରୁ ଦଳକୁ ୨୪ ରନରେ ପରାସ୍ତ କରି ତିନିଟିକିଆ ସିରିଜକୁ ୧-୧ରେ ବରାବର ରଖିଛି। ପ୍ରଭାବୀ ବୋଲିଂ କରି କଙ୍ଗାରୁ ଟପ୍ ଅର୍ଡରକୁ ବିଧ୍ୱସ୍ତ କରିଥିବା ଇଂଲିଶ ଦ୍ରୁତ ବୋଲର ଜୋଫ୍ରା ଆର୍ଚର ମ୍ୟାନ୍ ଅଫ ଦି ମ୍ୟାଚ୍ ହୋଇଛନ୍ତି।

୨୩୨ ରନର ଛୋଟିଆ ଲକ୍ଷ୍ୟକୁ ପିଛା କରୁଥିବା ଭ୍ରମଣକାରୀ ଦଳ ୧୪୪ ରନରେ ମାତ୍ର ୨ ଓ୍ୱିକେଟ ହରାଇ ଏକଦା ସୁବିଧାଜନକ ସ୍ଥିତିରେ ଥିଲା। ତେବେ ୩୧ତମ ଓଭର ପରଠାରୁ ମ୍ୟାଚର ଗତି ଇଂଲଣ୍ଡ ସପକ୍ଷକୁ ଫେରିଥିଲା। ପର ୩ ଓଭରରେ ୩ ଏବଂ ପରେ ୩୯ତମ ଓଭରେ ଲଗାତର ଦୁଇଟି ଓ୍ୱିକେଟ୍ ହରାଇ ଅଷ୍ଟ୍ରେଲିଆ ବ୍ୟାକ୍ ଫୁଟକୁ ଚାଲି ଯାଇଥିଲା। ଶେଷ ଭାଗରେ ଓ୍ୱିକେଟ୍ କିପର ବ୍ୟାଟସମ୍ୟାନ୍ ଆଲେକ୍ସ କ୍ୟାରୀ ୩୬ରନରେ ଲଢ଼ୁଆ ପାଳି ଖେଳି ଭ୍ରମଣକାରୀ ଶିବିରରେ ବିଜୟର ଆଶା ସଂଚାର କରିଥିଲେ ହେଁ ଆଡିଲ୍ ରସିଦ୍ ତାଙ୍କୁ ୪୯ତମ ଓଭରରେ ଶେଷ ବ୍ୟାଟସମ୍ୟାନ୍ ଭାବେ ଆଉଟ୍ କରି ଏଥିରେ ପୂର୍ଣ୍ଣଚ୍ଛେଦ ଟାଣିଥିଲେ। ଅନ୍ୟମାନଙ୍କ ମଧ୍ୟରେ ଅଧିନାୟକ ଆରୋନ୍ ଫିଞ୍ଚ୍ ୭୩ ଓ ମାର୍କସ୍ ଲାବୁସାନେ ୪୮ ରନ୍ କରିଥିଲେ। ଇଂଲିଶ ଦଳ ପକ୍ଷରୁ ଓକ୍ସ୍, ଆର୍ଚର୍ ଓ ସାମ୍ କୁରାନ୍ ପ୍ରତ୍ୟେକ ତିନିଟି ଲେଖାଏ ଓ୍ୱିକେଟ୍ ନେଇଥିଲେ।

ପୂର୍ବରୁ ଟସ୍ ଜିତି ବ୍ୟାଟିଂ କରିଥିବା ଘରୋଇ ଦଳ ମଧ୍ୟ ବିପର୍ଯ୍ୟୟର ଶିକାର ହୋଇଥିଲେ। ତେବେ ମଧ୍ୟକ୍ରମରେ ଜୋ ରୁଟ୍, ଅଧିନାୟକ ଇଅନ ମୋର୍ଗାନ୍ ଏବଂ ଶେଷ ଭାଗରେ କ୍ରିସ୍ ଓକ୍ସ, ଟମ୍ କୁରାନ୍ ଓ ଆଡିଲ୍ ରସିଦଙ୍କ ଲଢୁଆ ବ୍ୟାଟିଂ ଯୋଗୁ ଇଂଲଣ୍ଡ ୯ ଓ୍ୱିକେଟ୍ ହରାଇ ୨୩୧ ରନ କରିଥଲା। ଦଳ ପକ୍ଷରୁ ଜାସନ ରାୟ ୨୧, ଜୋ ରୁଟ୍ ୩୯, ଇଅନ ମୋର୍ଗାନ୍ ୪୨, କ୍ରିସ ଓକ୍ସ ୨୬, ଟମ୍ କୁରାନ୍ ୩୭ ଏବଂ ଆଡିଲ ରସିଦ୍ ୩୫ ରନ୍ କରିଥିଲେ।

ଆହୁରି ପଢ଼ନ୍ତୁ

ସୁପର୍‌ ଓଭରରେ ବାଜି ମାରିନେଲା ଦିଲ୍ଲୀ କ୍ୟାପିଟାଲ୍ସ

ଆଜିଠୁ ଏହି ସବୁ ରାଜ୍ୟରେ ଖୋଲିବ ସ୍କୁଲ; ନିଜ ଇଚ୍ଛାରେ ଆସିବେ ପିଲା

ସୁଶାନ୍ତ ସିଂ ମୃତ୍ୟୁ ମାମଲା, ଜୟା ଓ ଶ୍ରୁତିଙ୍କୁ ସମନ୍ କଲା ଏନସିବି

ପାରମ୍ପରିକ ଠାରୁ ଅଲଗା ହେବ ଅଯୋଧ୍ୟାର ମସଜିଦ୍

୨୦୨୨ ସୁଦ୍ଧା ଅଭିବୃଦ୍ଧି ହାର ୧୯% ବଢ଼ିବ ବୋଲି ଆକଳନ କଲା କେନ୍ଦ୍ର

ଭାରତ ବିରୋଧରେ ୧୯୬୨ ନୀତି ଆପଣାଉଛି ଚୀନ୍!

ଡୋମିକିଲ ସାର୍ଟିଫିକେଟ ପାଇଁ ବଢ଼ୁଛି ଆବେଦନକାରୀଙ୍କ ସଂଖ୍ୟା

ପିଭିସି ପାଇପରେ ଡ୍ରଗ୍ସ ପଠାଇଥାନ୍ତା ପାକିସ୍ତାନ, ଯୋଜନା ପଣ୍ଡ କଲା ବିଏସଏଫ୍

ଦିଲ୍ଲୀ କ୍ୟାପିଟାଲ୍ସକୁ ଝଟକା: ଆହତ ଯୋଗୁ ବାଦ୍ ପଡ଼ିଲେ ଇଶାନ୍ତ ଶର୍ମା

କରୋନା ଲଢ଼େଇରେ ବିଜୟୀ ହେଲେ ଶତାୟୁ ମହିଳା

ରାଜ୍ୟସଭାରେ କୃଷି ବିଲ୍ ପାରିତ: ରୁଲ୍ ବୂୁକ୍ ଚିରିଲେ, ମାଇକ ଭାଙ୍ଗିଲେ ବିରୋଧୀ

ଆଜି ଗେଲ୍-ରାବଡା ଓ ଅଶ୍ୱିନ୍-ମ୍ୟାକ୍ସୱେଲ୍ ମୁକାବିଲା