ଭୁବନେଶ୍ୱର (ଓଡ଼ିଶା ରିପୋର୍ଟର): ଅଷ୍ଟ୍ରେଲିଆ ବିପକ୍ଷ ପ୍ରଥମ ତିନୋଟି ଦିନିକିଆ ମ୍ୟାଚ୍ ପାଇଁ ଟିମ୍ ଇଣ୍ଡିଆର ଖେଳାଳି ଚୟନ ସରିଛି। ଯେଉଁଥିରେ ଅନେକ ଅଭିଜ୍ଞ ଖେଳାଳିଙ୍କୁ ବାଦ ଦିଆଯିବା ସହ କିଛି ନୂଆ ଚେହେରାଙ୍କୁ ସ୍ଥାନ ମିଳିଛି। ଏମାନଙ୍କ ମଧ୍ୟରୁ ସ୍ପିନର ଆର. ଅଶ୍ୱିନୀ ଓ ରବୀନ୍ଦ୍ର ଜାଡେଜାଙ୍କୁ ବାଦ୍ ଦେବାକୁ ନେଇ ସମାଲୋଚନା କରିଛନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହମ୍ମଦ ଆଝାରୁଦ୍ଦିନ୍। ଏହି ଦୁଇ ଖେଳାଳି ବର୍ତ୍ତମାନ ଶ୍ରେଷ୍ଠ ଫର୍ମରେ ଅଛନ୍ତି, ତେଣୁ ସେମାନଙ୍କୁ ଅଷ୍ଟ୍ରେଲିଆ ବିପକ୍ଷରେ ଖେଳାଇବା ଉଚିତ ଥିଲା ବୋଲି ଆଝାରୁଦ୍ଦିନ କହିଛନ୍ତି। ଯଦି ଶ୍ରୀଲଙ୍କା ବିପକ୍ଷ ସିରିଜରୁ ଅଶ୍ୱିନୀ ଓ ଜାଡେଜାଙ୍କୁ ବାଦ ଦିଆଯାଇଥାନ୍ତା ତେବେ ତାହା ଗ୍ରହଣୀୟ ହୋଇଥାନ୍ତା। କିନ୍ତୁ ଅଷ୍ଟ୍ରେଲିଆ ସିରିଜ ପାଇଁ ନିଜର ଶ୍ରେଷ୍ଠ ବୋଲରଙ୍କୁ ବାଦ ଦେବାର କଣ ଆବଶ୍ୟକତା ରହିଛି ବୋଲି ଆଝାର ପ୍ରଶ୍ନ କରିଛନ୍ତି। ଅନ୍ୟପଟେ ଅଧିନାୟକ ବିରାଟ କୋହଲିଙ୍କ ନେତୃତ୍ୱକୁ ସେ ପ୍ରଶଂସା କରିବା ସହ ଟିମ୍ର ପ୍ରଦର୍ଶନରେ ସେ ଖୁସି ଅଛନ୍ତି ବୋଲି ପ୍ରକାଶ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
