ଫ୍ରେଞ୍ଚ ଓପନ: ଦ୍ୱିତୀୟ ରାଉଣ୍ଡରେ ସାଇନା ଓ କାଶ୍ୟପ

ପ୍ୟାରିସ୍: ଫ୍ରେଞ୍ଚ ଓପନ ଦ୍ୱିତୀୟ ରାଉଣ୍ଡରେ ପ୍ରବେଶ କରିଛନ୍ତି ଭାରତୀୟ ବ୍ୟାଡମିଣ୍ଟନ ତାରକା ସାଇନା ନେହୱାଲ ଓ ପାରୁପଲ୍ଲୀ କାଶ୍ୟପ। ୨ଲକ୍ଷ ୭୫ହଜାର ଡଲାର ପୁରସ୍କାର ବିଶିଷ୍ଟ ଏହି ଫ୍ରେଞ୍ଚ ଓପନ୍ସର ପ୍ରଥମ ପର୍ଯ୍ୟାୟକୁ ଅତି ସହଜରେ ଅତିକ୍ରମ କରିଛନ୍ତି ଏହି ଦୁଇ ତାରକା। ମହିଳା ସିଙ୍ଗଲ୍ସରେ ମାତ୍ର ୨୪ ମିନିଟରେ ସାଇନା କାନାଡାର ମିଚେଲ ଲିଙ୍କୁ ୨୧-୧୮, ୨୧-୧୩ରେ ପରାଜୟର ରାସ୍ତା ଦେଖାଇ ଦେଇଥିଲେ । ପରବର୍ତ୍ତୀ ମ୍ୟାଚରେ ସାଇନା ଜର୍ମାନୀର କରୀନ୍ ଶାଞ୍ଚେଜ୍ ଓ ଜାପାନର ମିନାଶୁ ମିତାନୀ ମଧ୍ୟରେ ହେବାକୁ ଥିବା ମ୍ୟାଚର ବିଜୟୀଙ୍କୁ ଭେଟିବେ ।

ସେହିପରି ପୁରୁଷ ସିଙ୍ଗଲ୍ସରେ ଭାରତର ପାରୁପଲ୍ଲୀ କାଶ୍ୟପ୍ ୨୧-୧୧, ୨୨-୨୦ରେ ଥମୋସ୍ ରୌସ୍କାଲଙ୍କୁ ପରାଜିତ କରିଛନ୍ତି। ପରବର୍ତ୍ତୀ ମ୍ୟାଚରେ କାଶ୍ୟପ ଥାଇଲାଣ୍ଡର ତୋନାଙ୍ଗସାକ୍ ସିଆନସୋମବୋନସୁକ ଓ ଇଂଲଣ୍ଡର ରାଜୀବ ଓଶେଫଙ୍କ ମଧ୍ୟରେ ହେବାକୁ ଥିବା ମୁକାବିଲାର ବିଜୟୀଙ୍କୁ ଭେଟିବେ । ଭାରତର ଅନ୍ୟତମ ଖେଳାଳି କିଦାମ୍ବି ଶ୍ରୀକାନ୍ତ ୧୫-୨୧, ୨୧-୧୩, ୧୧-୨୧ରେ ଚୀନର ଟିଆନ୍ ହୋୱିଇଙ୍କଠାରୁ ପରାଜିତ ହୋଇଛନ୍ତି।