ରିସ୍କ ନେଲେ, ପ୍ରଶଂସିତ ହେଲେ

ପ୍ରଥମ ଦ୍ୱିଶତକ କରିବାର ସୁଯୋଗ ତାଙ୍କ ପାଖରେ ଥିଲା।

ନୂଆଦିଲ୍ଲୀ: ଗୌତମ ଗମ୍ଭୀରଙ୍କୁ ୩୬ ବର୍ଷ ହେଲାଣି। ଏ ବୟସରେ ବି ସେ ଟିମ୍ ଇଣ୍ଡିଆରେ ସ୍ଥାନ ପାଇବା ଆଶା ଛାଡ଼ି ନାହାନ୍ତି।

ଚଳିତ ବିଜୟ ହଜାରେ କପ୍‌ରେ ସେ ଦିଲ୍ଲୀ ଟିମ୍‌ର ନେତୃତ୍ୱ ନେଉଛନ୍ତି। ଶୁକ୍ରବାର ଦିନ ଦିଲ୍ଲୀର ଫିରୋଜ ଶାହ କୋଟ୍‌ଲା ଷ୍ଟାଡିୟମରେ କେରଳ ବିପକ୍ଷ ମ୍ୟାଚ୍‌ରେ ସେ ୧୦୪ଟି ବଲ୍‌ରେ ୧୫୧ ରନ୍ କରିଥିଲେ। ଏଥିରେ ୧୮ଟି ଚୌକା ଓ ୪ଟି ବଡ଼ ଛକ୍କା ସାମିଲ ଥିଲା।

ଇଂନିସ୍‌ରେ ଆହୁରି ୧୦ ଓଭର ବାକି ଥିବା ବେଳେ ସେ ୧୫୧ ରନ୍ କରି ପଡ଼ିଆ ଛାଡ଼ି ଦେଇଥିଲେ। ଏହା ଅନେକଙ୍କୁ ବିସ୍ମିତ କରିଥିଲା। ଲିଷ୍ଟ୍-ଏ କ୍ରିକେଟ୍‌ରେ ପ୍ରଥମ ଦ୍ୱିଶତକ କରିବା ପାଇଁ ତାଙ୍କ ପାଖରେ ଏକ ଭଲ ସୁଯୋଗ ଥିଲା। ଏମିତି ନୁହେଁ ଯେ କେରଳର ବୋଲର୍‌ମାନେ ଖରାପ ବୋଲିଂ କରୁଥିଲେ। ଗମ୍ଭୀର ଭଲ ଖେଳୁଥିଲେ।

ତେବେ ଅନ୍ୟ ବ୍ୟାଟ୍ସମ୍ୟାନ୍‌ ମାନଙ୍କୁ ସୁଯୋଗ ଦେବାକୁ ସେ ଫିଲ୍ଡ ଛାଡ଼ି ଦେଇଥିଲେ। ସେ ପଡ଼ିଆ ଛାଡ଼ିବା ପରେ ସ୍କୋରବୋର୍ଡ ତାଙ୍କ ନାଁ ପାଖରେ ରିଟାୟର୍ଡ ଆଉଟ୍‌ ବୋଲି ଲେଖାଯାଇଥିଲା।

ସେ କ୍ରିଜ୍‌ରେ ନଥିଲେ ବି ତାଙ୍କ ଦଳ ଭଲ ଖେଳିଥିଲା। ୩ ୱିକେଟ୍ ହରାଇ ଦଳ ୩୯୨ ରନ୍ କରିଥିଲା।

ଶେଷ ୧୦ ଓଭରରେ ଦଳ ୯୭ ରନ୍ ସଂଗ୍ରହ କରିଥିଲେ। ଧ୍ରୁବ ଶୋରେ ନଟ୍‌ଆଉଟ୍ ରହି ୯୯ ରନ୍ କରିଥିଲେ।

ଅନ୍ୟପକ୍ଷରେ କେରଳ ଟିମ୍ ୫୦ ଓଭରରେ ମାତ୍ର ୨୨୭ ରନ୍ କରିବାକୁ ସକ୍ଷମ ହୋଇଥିଲା। ସେମାନେ ୧୬୫ ରନ୍‌ରେ ପରାଜିତ ହୋଇଥିଲେ।

ରିସ୍କ ନେଇ ଜୁନିଅର ଖେଳାଳିମାନଙ୍କୁ ସୁଯୋଗ ଦେଇଥିବାରୁ ତାଙ୍କୁ ସମସ୍ତେ ପ୍ରଶଂସା କରିଛନ୍ତି।

ଆହୁରି ପଢ଼ନ୍ତୁ

ଚାଇନାର ଦାବି, କୁକୁଡାରେ ରହିଛି କରୋନା ଭାଇରସ!

ମହଙ୍ଗା ହେଉଛି ଖାଦ୍ୟ ସାମଗ୍ରୀର ଦାମ, ମୁଦ୍ରାସ୍ଫୀତି ହାର ୬.୯୩ ପ୍ରତିଶତ ବୃଦ୍ଧି

ଦ୍ୱିତୀୟ ଟେଷ୍ଟ: ବର୍ଷା ଯୋଗୁ ଅଟକିଲା ଖେଳ, ପାକିସ୍ତାନ ୮୫/୨

ସ୍ୱତନ୍ତ୍ର ସଚିବ ଅଜୟ ଦାସଙ୍କୁ ଗିରଫ କଲା ଭିଜିଲାନ୍ସ

କଂଗ୍ରେସ ସରକାର ବିରୋଧରେ ଅନାସ୍ଥା ପ୍ରସ୍ତାବ ଆଣିବ ବିଜେପି

ବେଙ୍ଗାଲୁରୁ ଦଙ୍ଗାକୁ ନେଇ ଆସିଲା ଚାଞ୍ଚଲ୍ୟକର ତଥ୍ୟ, ଏଫଆଇଆରରେ ୫ ଅଭିଯୁକ୍ତ

ମୁମ୍ବାଇ ସ୍ୱପ୍ନ ସାକାର କରିବାକୁ ୪୫ ହଜାର ଟଙ୍କାରେ ଛୁଆକୁ ବିକିଲା ମା’

ଏଚ୍-୧ବି ଭିସା ବ୍ୟାନ ନିୟମରେ କୋହଳ କଲା ଟ୍ରମ୍ପ ପ୍ରଶାସନ

ପିପିଇ କିଟ ପିନ୍ଧି କୋଭିଡ ଲକ୍ଷଣ ଥିବା ଜଣେ ଲୋକଙ୍କୁ ବାଇକରେ ହସ୍ପିଟାଲ ନେଲେ ଟିଏମସି ନେତା

ଆଖିକୁ ଦିଶେନାହିଁ, କିନ୍ତୁ ୟୁପିଏସସି ପରୀକ୍ଷାରେ ବାଜିମାତ କଲେ ଏହି ଯୁବତୀ

ମହନ୍ତ ନିତ୍ୟ ଗୋପାଳ ଦାସଙ୍କୁ କରୋନା, ମୋଦିଙ୍କ ସହ ଷ୍ଟେଜ ଶେୟାର କରିଥିଲେ

‘ସଡ଼କ-୨’କୁ ୫୦ ଲକ୍ଷରୁ ଅଧିକ ଡିସ୍‌ଲାଇକ୍‌