ଆଇସିସି ବିଶ୍ୱକପ୍ ଟି-ଟ୍ୱେଣ୍ଟି ୨୦୧୬ ଖେଳସୂଚୀ ଘୋଷିତ

ମୁମ୍ବାଇ: ୬ଷ୍ଠ ଆଇସିସି ବିଶ୍ୱକପ୍ ଟି-ଟ୍ବେଣ୍ଟି ୨୦୧୬ର ଖେଳସୂଚୀ ଘୋଷଣା ହୋଇଛି। ଗ୍ରୁପ୍ ବିରେ ଭାରତ ସହ ପାରମ୍ପରିକ ପ୍ରତିଦ୍ୱନ୍ଦ୍ୱୀ ପାକିସ୍ତାନ, ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ସ୍ଥାନ ପାଇଛନ୍ତି। ଗ୍ରୁପ ଏରେ ଶ୍ରୀଲଙ୍କା, ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ ଓ ଇଂଲଣ୍ଡ ଅଛନ୍ତି। ମାର୍ଚ୍ଚ ୧୧ରୁ ଖେଳ ଆରମ୍ଭ ହେବ। ୧୫ରେ ଭାରତ ତା’ର ଅଭିଯାନ ନ୍ୟୁଜିଲାଣ୍ଡ ବିପକ୍ଷରେ ଆରମ୍ଭ କରିବ। ମାର୍ଚ୍ଚ ୧୯ରେ ଧର୍ମଶାଳାରେ ଖେଳାଯିବ ଭାରତ- ପାକିସ୍ତାନ ହାଇ ଭୋଲଟେଜ୍ ମ୍ୟାଚ୍। କ୍ୱାଲିଫାଇଂ ରାଉଣ୍ଡରୁ ୨ଟି ଦଳ ୱେଷ୍ଟ ୧୦ରେ ସାମିଲ ହେବେ। ବାଂଲାଦେଶ ଓ ଜିମ୍ୱାୱେ ମଧ୍ୟ କ୍ୱାଲିଫାଏର ରାଉଣ୍ଡ ଖେଳିବେ। ଏପ୍ରିଲ ୩ରେ ଇଡେନ ଗାର୍ଡେନରେ ଫାଇନାଲ ମ୍ୟାଚ୍ ଖେଳାଯିବ। ପ୍ରଥମ ଥର ପାଇଁ ଭାରତ ଟି-ଟ୍ୱେଣ୍ଟି ବିଶ୍ୱକପ୍ ଆୟୋଜନ କରୁଛି। ଏହାକୁ ନେଇ କ୍ରିକେଟ ପ୍ରେମୀଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳୁଛି।