ଭୁବନେଶ୍ୱର: ଆସନ୍ତାକାଲି ଆଇସିସି ମହିଳା ବିଶ୍ୱକପ୍ର ଗ୍ରାଣ୍ଡଫାଇନାଲ୍। କ୍ରିକେଟ୍ର ମକ୍କା କୁହାଯାଉଥିବା ଲର୍ଡ୍ସ ଗ୍ରାଉଣ୍ଡରେ ଇଂଲଣ୍ଡକୁ ଭେଟିବ ଭାରତୀୟ ମହିଳା ଦଳ। ଏହି ଫାଇନାଲ୍ ମ୍ୟାଚ୍ରେ ଇଂଲଣ୍ଡକୁ ହରାଇ ଭାରତ ପ୍ରଥମ ଥର ପାଇଁ ବିଶ୍ୱକପ ବିଜେତା ହେବାକୁ ଲକ୍ଷ୍ୟ ରଖିଛି। ଭାରତୀୟ ମହିଳା ଟିମ୍ ଯଦି ଏହି ମ୍ୟାଚ୍ ଜିତିଯାଉଛି ତେବେ ୪୪ ବର୍ଷ ଇତିହାସରେ ପ୍ରଥମ ଥର ପାଇଁ ଭାରତ ଚାମ୍ପିୟନ ହେବ। ୧୧ତମ ମହିଳା ବିଶ୍ୱକପ ଚାଲିଥିବା ବେଳେ ଭାରତ ପାଇଁ ଏହା ୯ମ ବିଶ୍ୱକପ। ୧୯୭୩ ଓ ୧୯୮୮ ବିଶ୍ୱକପରେ ଭାରତୀୟ ମହିଳା ଦଳ ଅଂଶଗ୍ରହଣ କରିନଥିଲା। ଏହାପୂର୍ବର ଭାରତ ପ୍ରଥମ ଥର ପାଇଁ ୨୦୦୫ରେ ଫାଇନାଲ୍ରେ ପ୍ରବେଶ କରିଥିବା ବେଳେ ଅଷ୍ଟ୍ରେଲିଆ ଠାରୁ ପରାସ୍ତ ହୋଇଥିଲା। କିନ୍ତୁ ଚଳିତ ବିଶ୍ୱକପରେ ୬ ଥର ବିଶ୍ୱବିଜେତା ଅଷ୍ଟ୍ରେଲିଆକୁ ପରାସ୍ତ କରି ଭାରତ ଫାଇନାଲରେ ପ୍ରବେଶ କରିଛ। ଏପର୍ଯ୍ୟନ୍ତ ମହିଳା ବିଶ୍ୱକପରେ ଅଷ୍ଟ୍ରେଲିଆ ଓ ଇଂଲଣ୍ଡର ଦବଦବା ଦେଖିବାକୁ ମିଳିଥିବା ବେଳେ ନ୍ୟୁଜଲାଣ୍ଡ ଗୋଟିଏ ଥର ଚାମ୍ପିୟନ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
