ଭାରତ-ଅଷ୍ଟ୍ରେଲିଆ ପ୍ରଥମ ହକି ଟେଷ୍ଟ ମ୍ୟାଚ୨-୨ରେ ଡ୍ର

ରାଜନନ୍ଦଗାଁଓ(ଛତିଶଗଡ): ଛତିଶଗଡର ରାଜନନ୍ଦଗାଁଓରେ ଅଷ୍ଟ୍ରେଲିଆ ଓ ଭାରତ ମଧ୍ୟରେ ଖେଳା ଯାଇଥିବା ପ୍ରଥମ ହକି ଟେଷ୍ଟ ମ୍ୟାଚ ୨-୨ରେ ଡ୍ର ହୋଇଛି।

ଖେଳ ପ୍ରାରମ୍ଭରୁ ଭାରତ ଉପରେ ଚାପ ପକାଇବାକୁ ଉଦ୍ୟମ କରିଥିଲା ଅଷ୍ଟ୍ରେଲିଆ। ଏଥିରେ ସଫଳ ମଧ୍ୟ ହୋଇଥିଲା। ଖେଳ ଆରମ୍ଭର ମାତ୍ର ୬ ମିନିଟ ମଧ୍ୟରେ ଅଷ୍ଟ୍ରେଲିଆ ଭାରତ ଉପରେ ଏକ ଗୋଲ କରିଥିଲା। ତେବେ ଭାରତ ବି ଥିଲା ନଛୋଡବନ୍ଦା। ଦଳ ଅଳ୍ପ ସମୟ ମଧ୍ୟରେ ଭ୍ରମଣକାରୀ ଦଳ ଉପରେ ଏକ ଗୋଲ କରିଥିଲା। ଏକ ପେନାଲ୍ଟି କର୍ଣ୍ଣରକୁ ଗୋଲରେ ପରିଣତ କରିବାରେ ସଫଳ ହୋଇଥିଲେ ଭିଆର ରଘୁନାଥ। ଫଳରେ ସ୍ଥିତି ପହଞ୍ଚି ଥିଲା ୧-୧ରେ। ଏହାପରେ ଦ୍ୱିତୀୟ କ୍ୱାର୍ଟରରେ ଭାରତର ଅଭିଜ୍ଞ ଖେଳାଳି ହରଜିତ ସିଂହ ଆଉ ଏକ ଗୋଲ ଦେଇଥିଲେ। ଭ୍ରମଣକାରୀ ଦଳ ଉପରେ ଭାରତ ୨-୧ରେ ଆଗୁଆ ଥିଲା। ମ୍ୟାଚ ଖେଳାଯିବାର ୫୮ ମିନିଟରେ ଅଷ୍ଟ୍ରେଲିଆ ପେନାଲ୍ଟି କର୍ଣ୍ଣରରେ କ୍ରିସ୍ ସିରିଲିଓ ଗୋଟିଏ ଗୋଲ ଦେଇ ମ୍ୟାଚକୁ ୨-୨ରେ ଡ୍ର ରଖିଥିଲେ।

ଦୁଇ ଦେଶ ମଧ୍ୟରେ ଆଉ ୨ଟି ଟେଷ୍ଟ ମ୍ୟାଚ ଖେଳାଯିବ।