ଭୁବନେଶ୍ୱର (ଓଡ଼ିଶା ରିପୋର୍ଟର): ପାକିସ୍ତାନକୁ ହରାଇ ଫାଇନାଲରେ ଭାରତ। ଲଗାତର ଭାବେ ଭାରତୀୟ ହକି ଟିମ୍ର ଜବରଦସ୍ତ ପ୍ରଦର୍ଶନ ଜାରି ରହିଛି। ଢାକାରେ ଚାଲିଥିବା ଏସିଆ କପ୍ ହକି ପ୍ରତିଯୋଗିତର ସୁପର-୪ ମୁକାବିଲାରେ ଆଜିର ମ୍ୟାଚରେ ଭାରତ ତାର ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ତାନକୁ ୪-୦ ଗୋଲରେ ପରାସ୍ତ କରିଛି। ମ୍ୟାଚର ୩୯ ମିନିଟରେ ଭାରତ ପକ୍ଷରୁ ସତବୀର ସିଂହ ଏକ ଗୋଲ ସ୍କୋର କରି ଭାରତକୁ ଅଗ୍ରଣୀ କରାଇଥିଲେ। ଏହାପରେ ହରମନପ୍ରୀତ ସିଂହ , ଲଳିତ ଉପାଧ୍ୟାୟ, ଗୁରଜାନ୍ତ ସିଂହ ଗୋଟିଏ ଲେଖାଁଏ ଗୋଲ ସ୍କୋର କରି ପାକିସ୍ତାନ ପାଇଁ ଚିନ୍ତା ବଢାଇ ଦେଇଥିଲେ। ଏହି ବିଜୟ ସହ ଭାରତ ଆସନ୍ତା କାଲି ହେବାକୁ ଥିବା ଫାଇନାଲରେ ପ୍ରବେଶ କରିଛି। ଏସିଆ କପ ସୁପର-୪ ମୁକାବିଲାର ପ୍ରଥମ ମ୍ୟାଚରେ ଭାରତ ଓ ଦକ୍ଷିଣ କୋରିଆ ମଧ୍ୟରେ ଅନୁଷ୍ଟିତ ହୋଇଥିଲା, ଯାହା ୧-୧ରେ ବରାବର ରହିଥିଲା। ପରେ ଦ୍ୱିତୀୟ ମ୍ୟାଚ୍ରେ ମାଲେସିଆକୁ ୬-୨ ଗୋଲରେ ମାତ୍ ଦେଇଥିଲା ଭାରତ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
