ହାତରେ ଆଉ ତିନି ଦିନ। ଏହା ପରେ ଆରମ୍ଭ ହେବ କ୍ରୀଡ଼ା ମହାକୁମ୍ଭ କଥା ଟୋକିଓ ଅଲିମ୍ପିକ୍ସ। ଏଥିପାଇଁ ଭାରତୀୟ ଦଳର ପ୍ରଥମ ପର୍ଯ୍ୟାୟ ଟୋକିଓରେ ପହଞ୍ଚି ସାରିଛନ୍ତି। ବାକି ଆଥଲେଟ୍ ପର୍ଯ୍ୟାୟକ୍ରମେ ଟୋକିଓ ଯାତ୍ରା କରିବେ। ଏଥର ଭାରତ ତା'ର ସର୍ବଶ୍ରେଷ୍ଠ ଦଳ ଅଲିମ୍ପିକକୁ ପଠାଇଛି। ମୋଟ ୧୨୫ ଜଣ ଆଥଲେଟ୍ ଅଲିମ୍ପିକରେ ପ୍ରତିଦ୍ୱନ୍ଦ୍ୱିତା କରିବେ। ତେଣୁ ଏଥର ଭାରତ ରେକର୍ଡ ସଂଖ୍ୟକ ପଦକ ଜିତିବା ନେଇ ଆଶା ରହିଛି।
ଗତ ସଂସ୍କରଣରେ ଭାରତର ୧୧୮ ଜଣ ଆଥଲେଟ୍ ଭାଗ ନେଇଥିଲେ। କିନ୍ତୁ ଭାରତର ପ୍ରଦର୍ଶନ ଆଶାମୁତାବକ ଭଲ ରହିନଥିଲା। ଲଣ୍ଡନ୍ ଅଲିମ୍ପିକ୍ସ ତୁଳନାରେ ଟୋକିଓରେ ଭାରତର ପ୍ରଦର୍ଶନ ନୈରାଶ୍ୟଜନକ ଥିଲା। ରିଓ ଅଲିମ୍ପିକ୍ସ ଆରମ୍ଭ ହେବାର ୧୧ଦିନ ପର୍ଯ୍ୟନ୍ତ ଭାରତ ପଦକ ଖାତା ଖୋଲିପାରିନଥିଲା। କିନ୍ତୁ ମହିଳା ଶକ୍ତି ଭାରତର ସମ୍ମାନ ରକ୍ଷା କରିଥିଲେ।
[caption id="" align="alignleft" width="2880"]
ରେସ୍ଲିଂରେ ସାକ୍ଷୀ ମଲ୍ଲିକ୍ ଓ ବ୍ୟାଡମିଣ୍ଟନରେ ପିଭି ସିନ୍ଧୁ ଯଥାକ୍ରମେ ବ୍ରୋଞ୍ଜ ଓ ରୌପ୍ୟ ପଦକ ଜିତି ଭାରତର ଖାତା ଖୋଲିଥିଲେ। ଜିମ୍ନାଷ୍ଟିକ୍ସରେ ଦୀପା କର୍ମାକର ଅଳ୍ପକେ ପଦକରୁ ବଞ୍ଚିତ ରହି ଚତୁର୍ଥ ସ୍ଥାନରେ ରହିଥିଲେ। ଅଭିଜ୍ଞ ଆଥ୍ଲେଟ୍ ଯଥା ଅଭିନବ ବିନ୍ଦ୍ରା, ଗଗନ ନାରଙ୍ଗ୍, ଲିଆଣ୍ଡର୍ ପେସ୍, ଜିତୁ ରାୟ, ସାନିଆ ମିର୍ଜା ପଦକ ଜିତିବାରେ ବିଫଳ ହୋଇଥିଲା। ଯେଉଁ କାରଣରୁ ଭାରତ ମାତ୍ର ୨ଟି ପଦକ ସହ ରିଓ ଅଲିମ୍ପିକ୍ସ ଅଭିଯାନ ଶେଷ କରିଥିଲା। ଆସନ୍ତୁ ରିଓ ଅଲିମ୍ପିକ୍ସରେ ଭାରତର ପ୍ରଦର୍ଶନ ଉପରେ ନଜର ପକାଇବା।
ସାକ୍ଷୀ ଓ ସିନ୍ଧୁଙ୍କ ସଫଳତା: ରିଓରେ ଭାରତ ଖାଲି ହାତରେ ଫେରିବ ବୋଲି ଲାଗୁଥିଲା। କିନ୍ତୁ ୧୩ତମ ଦିନରେ ଭାରତକୁ ପ୍ରଥମ ସଫଳତା ଦେଇଥିଲେ ମହିଳା ରେସ୍ଲର୍ ସାକ୍ଷୀ ମଲିକ୍। କ୍ୱାର୍ଟର୍ଫାଇନାଲ୍ରେ ହାରିଥିବା ସାକ୍ଷୀଙ୍କୁ ଭାଗ୍ୟ ସାଥ୍ ଦେଇଥିଲା। ତାଙ୍କୁ କ୍ୱାର୍ଟର୍ରେ ହରାଇଥିବା ପ୍ରତିଦ୍ୱନ୍ଦ୍ୱୀ ଫାଇନାଲ୍କୁ ଉନ୍ନୀତ ହେବା ସାକ୍ଷୀଙ୍କୁ ପଦକ ରାଉଣ୍ଡ ଖେଳିବା ପାଇଁ ସୁଯୋଗ ଦେଇଥିଲା। ପଦକ ମ୍ୟାଚ୍ରେ ସାକ୍ଷୀ ଶେଷ ୧୦ ସେକେଣ୍ଡରେ ବିଜୟୀ ପଏଣ୍ଟ ହାସଲ କରି ଭାରତକୁ ବ୍ରୋଞ୍ଜ ପଦକ ଦେଇଥିଲେ।
[caption id="" align="alignleft" width="927"]
ସେହିପରି ପିଭି ସିନ୍ଧୁ ବ୍ୟାଡ୍ମିଣ୍ଟନ୍ ସିଙ୍ଗଲ୍ସ ସେମିଫାଇନାଲ୍ରେ ବିଶ୍ୱର ଦୁଇ ନମ୍ବର ଖେଳାଳି ୱାଙ୍ଗ୍ ୟିହାନ୍ଙ୍କୁ ହରାଇ ଫାଇନାଲ୍ରେ ପ୍ରବେଶ କରି ଇତିହାସ ରଚିଥିଲେ। ଭାରତୀୟ ବ୍ୟାଡ୍ମିଣ୍ଟନ୍ ଇତିହାସରେ ସିନ୍ଧୁ ପ୍ରଥମ ଖେଳାଳି ଭାବେ ଫାଇନାଲ୍କୁ ଉନ୍ନୀତ ହୋଇଥିଲେ। ତେବେ ଫାଇନାଲ୍ରେ ବିଶ୍ୱର ଏକ ନମ୍ବର ଖେଳାଳି ସ୍ପେନର କାରୋଲିନା ମାରିନ୍ଙ୍କଠାରୁ ହାରି ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ।
[caption id="" align="aligncenter" width="700"]
ସୁଟିଂରେ ଭାରତ ଅଧିକ ନିରାଶ କରିଥିଲା। ତାରକା ସୁଟର୍ ଅଭିନବ ବିନ୍ଦ୍ରା ୧୦ ମିଟର୍ ଏୟାର୍ ରାଇଫଲ୍ ବର୍ଗରେ ଫାଇନାଲ୍ରେ ପ୍ରବେଶ କରିଥିବା ବେଳେ ଏଥିରେ ସେ ଚତୁର୍ଥ ସ୍ଥାନରେ ସନ୍ତୁଷ୍ଟ ରହିଥିଲେ। ଲଣ୍ଡନ ଗେମ୍ସରେ ବ୍ରୋଞ୍ଜ ପଦକ ଜିତିଥିବା ସୁଟର୍ ଗଗନ ନାରଙ୍ଗ ଅତ୍ୟନ୍ତ ନୈରାଶ୍ୟଜନକ ପ୍ରଦର୍ଶନ କରିଥିଲେ। ନାରଙ୍ଗ ୧୦ ମିଟର ଏୟାର୍ ରାଇଫଲ୍, ୫୦ ମିଟର୍ ରାଇଫଲ୍ ପ୍ରୋନ୍ ଓ ୫୦ ମିଟର୍ ଥ୍ରୋ' ପୋଜିସନ୍ରେ ଫାଇନାଲ୍କୁ ଉନ୍ନୀତ ହୋଇପାରିନଥିଲେ। ଅନ୍ୟତମ ଦାବିବାର ଜିତୁ ରାୟ କେବଳ ୧୦ ମିଟର୍ ଏୟାର ପିସ୍ତଲର ଫାଇନାଲ୍କୁ ଯାଇଥିଲେ ହେଁ ଅଷ୍ଟମ ସ୍ଥାନରେ ରହି ଅଭିଯାନ ଶେଷ କରିଥିଲେ। ମହିଳା ସୁଟର୍ ଯଥା ଅପୂର୍ବୀ ଚାନ୍ଦେଲା, ଆୟୋନିକା ପଲ୍ ଓ ହୀନା ସିଦ୍ଧୁ ନିଜ ନିଜ ବର୍ଗର ଫାଇନାଲ୍କୁ ଉନ୍ନୀତ ହୋଇପାରି ନଥିଲେ ।
[caption id="" align="alignnone" width="1200"]
ଟେନିସ୍ରେ ଭାରତର ସବୁଠାରୁ ଅଭିଜ୍ଞ ଦଳ ରିଓ ଯାଇଥିଲେ। ଲିଆଣ୍ଡର ପେସ୍, ରୋହନ ବୋପନ୍ନା ଓ ସାନିଆ ମିର୍ଜାଙ୍କ ଭଳି ତାରକା ଥିଲେ। କିନ୍ତୁ କେହିବି ସଫଳତା ଛୁଇଁପାରି ନଥିଲେ। ଅତିକରେ ହକିରେ ଭାରତ ନିଶ୍ଚିତ ପଦକ ଜିତିବ ବୋଲି ଆଶା ଥିଲା। କିନ୍ତୁ ଏହି ବିଭାଗରେ ମଧ୍ୟ ନିରାଶା ହାତରେ ଲାଗିଥିଲା। ପୁରୁଷ ଦଳ କ୍ୱାର୍ଟରଫାଇନାଲରେ ବେଲ୍ଜିୟମଠାରୁ ହାରି ବିଦାୟ ନେଇଥିଲା। ସେହିପରି ୩୬ ବର୍ଷ ପରେ ଅଲିମ୍ପିକ୍ସକୁ ଯୋଗ୍ୟତା ଅର୍ଜନ କରିଥିବା ମହିଳା ଦଳ ଗୋଟିଏ ବି ମ୍ୟାଚ୍ ଜିତିପାରିନଥିଲା।
ଆଥ୍ଲେଟିକ୍ସରେ ଭାରତ ତା’ର ଶ୍ରେଷ୍ଠ ଦଳ ପଠାଇଥିଲା। ସେଥିମଧ୍ୟରେ ଓଡ଼ିଶାର ଦୁଇଜଣ ମହିଳା ଧାବିକା ଶ୍ରାବଣୀ ନନ୍ଦ ଓ ଦୂତୀ ଚାନ୍ଦ ସାମିଲ୍ ଥିଲେ। ଶ୍ରାବଣୀ ୨୦୦ ମିଟର୍ ଓ ଦୂତୀ ୧୦୦ ମିଟର୍ରେ ପ୍ରତିଦ୍ୱନ୍ଦ୍ୱିତା କରିଥିଲେ ହେଁ, ଫାଇନାଲ୍କୁ ଉନ୍ନୀତ ହୋଇପାରିନଥିଲେ। ବାକି ଆଥ୍ଲେଟମାନେ ମଧ୍ୟ ନିରାଶ କରିଥିଲେ ।
[caption id="" align="alignnone" width="1200"]
ବ୍ୟାଡ୍ମିଣ୍ଟନରେ ଭାରତ ପାଖରେ ପଦକ ଜିତିବାର ଭଲ ସୁଯୋଗ ଥିଲା। କିନ୍ତୁ ପ୍ରଥମ ପର୍ଯ୍ୟାୟରୁ ସାଇନା ନେହ୍ୱାଲଙ୍କ ଭଳି ଦେଶର ଟପ୍ ଶଟଲର୍ ବିଦାୟ ନେବା ଭାରତର ଆଶାକୁ କ୍ଷୀଣ କରିଦେଇଥିଲା। ଡବଲ୍ସରେ ଜ୍ୱାଲା ଗୁଟ୍ଟା ଓ ଅଶ୍ୱିନୀ ପୋନ୍ନାପ୍ପାଙ୍କ ମହିଳା ଯୋଡ଼ି ଏବଂ ପୁରୁଷ ଯୋଡ଼ି ମନୁ ଅତ୍ରି ଓ ବି ସୁମିତ୍ ରେଡ୍ଡୀ ନିରାଶ କରିଥିଲେ। ପୁରୁଷ ସିଙ୍ଗଲ୍ସରେ କେ ଶ୍ରୀକାନ୍ତ କ୍ୱାର୍ଟରକୁ ଯାଇଥିଲେ। କିନ୍ତୁ ସେମିରୁ ବଞ୍ଚିତ ରହିଥିଲେ। ତେବେ ମହିଳା ସିଙ୍ଗଲ୍ସରେ ଭାରତର ସମ୍ମାନ ରଖିଲେ ପିଭି ସିନ୍ଧୁ। ସିନ୍ଧୁ ଫାଇନାଲ୍କୁ ଉନ୍ନୀତ ହୋଇ ଭାରତର ପଦକ ନିଶ୍ଚିତ କରିଥିଲେ। କିନ୍ତୁ ସେ ସ୍ୱର୍ଣ୍ଣ ପଦକ ମୁକାବିଲାରେ ବିଶ୍ୱର ଏକ ନମ୍ବର ଖେଳାଳି କାରୋଲିନା ମାରିନ୍ଙ୍କଠାରୁ ହାରି ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ।
[caption id="" align="alignleft" width="1200"]
ରେସ୍ଲିଂରେ ସନ୍ଦୀପ ତୋମାର (୫୭ କେଜି) ଓ ଯୋଗେଶ୍ୱର ଦତ୍ତ (୬୫ କେଜି) ନିଜ ନିଜ ପ୍ରଥମ ରାଉଣ୍ଡ ହାରି ଥିଲେ। ମହିଳା ବର୍ଗରେ ବବିତା କୁମାରୀ ପ୍ରଥମ ରାଉଣ୍ଡରେ ହାରିଥିବା ବେଳେ ଭିନେଶ ପୋଗତ (୪୮ କେଜି) ଓ ସାକ୍ଷୀ ମଲିକ୍ (୫୮ କେଜି) କ୍ୱାର୍ଟର୍ଫାଇନାଲ୍ରେ ପ୍ରବେଶ କରିଥିଲେ। କିନ୍ତୁ ଦୁହେଁ କ୍ୱାର୍ଟର୍ରେ ପରାସ୍ତ ହୋଇଥିଲେ। କିନ୍ତୁ ଭାଗ୍ୟ ସାକ୍ଷୀଙ୍କୁ ସାଥ୍ ଦେଇଥିଲା । ସାକ୍ଷୀ ରିପିଚେଜ୍ ରାଉଣ୍ଡର ଫାଇନାଲ୍ରେ ପ୍ରବେଶ କରିଥିଲେ। ଏଥିରେ ସେ କାଜାଖସ୍ତାନର ଆଇସୁଲୁ ଟିନିବେକୋଭାଙ୍କୁ ହରାଇ ଦେଶ ପାଇଁ ପ୍ରଥମ ପଦକ ଜିତିଥିଲେ।
ଆର୍ଚେରୀରେ ଭାରତର ୪ଜଣ ତୀରନ୍ଦାଜ ରିଓକୁ ଯୋଗ୍ୟତା ଅର୍ଜନ କରିଥିଲେ। କିନ୍ତୁ କେହିବି ପଦକ ନିକଟତର ହୋଇପାରି ନଥିଲେ। ଏକମାତ୍ର ପୁରୁଷ ତୀରନ୍ଦାଜ ଭାବେ ଅତନୁ ଦାସ ଅଲିମ୍ପିକ୍ସକୁ ଯାଇଥିଲେ। ଅତନୁ ପ୍ରି-କ୍ୱାର୍ଟର ଫାଇନାଲ୍ରେ କୋରିଆର ଲି ସିଅଙ୍ଗ୍-ୟୁନ୍ଙ୍କଠାରୁ ହାରି ବିଦାୟ ନେଇଥିଲେ। ସେହିପରି ତିନିଜଣ ମହିଳା ତୀରନ୍ଦାଜ ଦୀପିକା କୁମାରୀ, ବୋମ୍ବାଲ୍ୟା ଦେବୀ ଲକ୍ଷ୍ମୀରାଣୀ ମାଝୀ ଉଭୟ ବ୍ୟକ୍ତିଗତ ଓ ଦଳଗତ ଇଭେଣ୍ଟରେ ନିରାଶ କରିଥିଲେ।