ଉଲାନ୍ ଉଦେ (ରୁଷ୍): ଚଳିତ ମହିଳା ବିଶ୍ୱ ବକ୍ସିଂ ଚାମ୍ପିୟନଶିପରେ ଭାରତର ଆଉ ତିନି ବ୍ରୋଞ୍ଜ ପଦକ ପକ୍କା ହୋଇଛି। ମ୍ୟାରୀ କମଙ୍କ ପରେ ଗୁରୁବାର ମଞ୍ଜୁ ରାନୀ, ଡେବ୍ୟୁଟାଣ୍ଟ ଯମୁନା ବୋରୋ ଏବଂ ଲୋଭଲିନା ବୋର୍ଗୋହେନ୍ ମଧ୍ୟ ଚାମ୍ପିୟନଶିପର ସେମିଫାଇନାଲରେ ପ୍ରବେଶ କରି ପଦକ ନିଶ୍ଚିତ କରିଛନ୍ତି।
୨୨ ବର୍ଷୀୟ ଯମୁନା ୫୪ କେଜି ବର୍ଗର କ୍ୱାର୍ଟରଫାଇନାଲରେ ଜର୍ମାନୀର ଉର୍ସୁଲା ଗୋଟ୍ଟଲବଙ୍କୁ ୪-୧ ପଏଣ୍ଟରେ ପରାସ୍ତ କରିଛନ୍ତି। ଏହା ପୂର୍ବରୁ ଯମୁନା ଆଲଜେରିଆର ଆଫ୍ରିକାନ୍ ଗେମ୍ସ ସ୍ୱର୍ଣ୍ଣ ପଦକ ବିଜେତାଙ୍କୁ ୫-୦ରେ ହରାଇ ଅନ୍ତିମ-୮ରେ ପହଞ୍ଚିଥିଲେ।
ମଞ୍ଜୁ ରାନୀ ଅନ୍ତିମ-୮ରେ ଉତ୍ତର କୋରିଆର କିମ୍ ହ୍ୟାଙ୍ଗ୍-ମି'ଙ୍କୁ ହରାଇ ୪୮ କେଜି ବର୍ଗରେ ଭାରତ ପାଇଁ ପଦକ ପକ୍କା କରିଛନ୍ତି। ସେହିପରି ଲୋଭଲିନା ୬୯ କେଜି ବର୍ଗର କ୍ୱାର୍ଟର୍ ମୁକାବିଲାରେ ପୋଲାଣ୍ଡର କାରୋଲିନା କୋଜେସ୍କାଙ୍କୁ ୪-୧ରେ ହରାଇ ସେମିଫାଇନାଲରେ ପ୍ରବେଶ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
