ସିଙ୍ଗାପୁର: ସିଙ୍ଗାପୁରରେ ଅନୁଷ୍ଠିତ ଡବ୍ଲୁଟିଏ ଫାଇନାଲ୍ସର ମହିଳା ଡବଲ୍ସ ଟାଇଟଲ ଜିତି ଯାଇଛନ୍ତି ଚଳିତ ବର୍ଷର ନମ୍ବର ୱାନ୍ ଯୋଡ଼ି ସାନିଆ ମିର୍ଜା ଓ ମାର୍ଟିନା ହିଙ୍ଗିସ୍। ଏହା ସହିତ ଏହି ଯୋଡ଼ି ଜିତିଛନ୍ତି ଚଳିତ ବର୍ଷର ନବମ ଡବଲ୍ସ ଟାଇଟଲ୍।
ଏହି ଇଣ୍ଡୋ-ସ୍ୱିସ୍ ଯୋଡି ସ୍ପାନିଆର୍ଡସର ଗାବ୍ରିନ୍ ମୁଗୁରୁଜା ଓ କାର୍ଲା ସୁଆରେଜ୍ ନାଭାରୋଙ୍କୁ ୬-୦, ୬-୩ ପରାସ୍ତ କରିଛନ୍ତି। ପ୍ରଥମରୁ ହିଁ ସ୍ପେନର ଯୋଡି ଉପରେ ଭାରି ପଡିଥିଲେ ସାନିଆ-ହିଙ୍ଗିସ୍ ଯୋଡି।
ଗତକାଲି ଚାଇନିଜ ତାଇପେଇ ଯୋଡି ଚାନ୍ ହାଓ ଚିଙ୍ଗ ଓ ଚାନ୍ ୟଙ୍ଗ ଜାନଙ୍କୁ ୬-୪,୬-୨ ପରାସ୍ତ କରି ଏହି ଯୋଡି ଫାଇନାଲରେ ପହଞ୍ଚିଥିଲେ।
ସୂଚନାଯୋଗ୍ୟ ଚଳିତ ବର୍ଷ ଏହି ଟାଇଟଲକୁ ମିଶାଇ ସାନିଆ ଓ ହିଙ୍ଗିସ ଯୋଡି ୯ଟି ମହିଳା ଡବଲ୍ସ ଟାଇଟଲ୍ ଜିତିଛନ୍ତି। ଏଥି ମଧ୍ୟରେ ଦୁଇଟି ଗ୍ରାଣ୍ଡ ସ୍ଲାମ (ୱିମ୍ବଲଡନ୍ ଓ ୟୁଏସ ଓପନ୍) ଟାଇଟଲ୍, ୫ଟି ଡବ୍ଲୁଟିଏ ପ୍ରିମିୟର ଟାଇଟେଲ (ବିଏନପି ପରିବାସ ଓପନ୍, ଇଣ୍ଡିଆନ୍ ୱେଲସ, ମିଆମି ଓପନ୍ ଓ ବେଜିଂ) ଓ ଗୋଟିଏ ଡବ୍ଲୁଟିଏ ଅନ୍ତର୍ଜାତୀୟ ଟାଇଟଲ୍ (ଗୁଆଙ୍ଗଝୁ ଅନ୍ତର୍ଜାତୀୟ ମହିଳା ଓପନ୍ସ) ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
