ଇନ୍ଦୋର: ଭାରତ ବିପକ୍ଷ ଶୁକ୍ରବାର ଖେଳାଯିବାକୁଥିବା ତୃତୀୟ ତଥା ଅନ୍ତିମ ଟି-୨୦ ମ୍ୟାଚରୁ ଶ୍ରୀଲଙ୍କାର ବାମହାତୀ ପେସ୍ ବୋଲର ଇସୁରୁ ଉଦାନା ଆହତ କାରଣରୁ ବାଦ୍ ପଡ଼ିପାରନ୍ତି। ମଙ୍ଗଳବାର ଇନ୍ଦୋର ଟି-୨୦ ମ୍ୟାଚରେ ଶ୍ରୀଲଙ୍କାର ବ୍ୟାଟିଂ ପରେ ୱାର୍ମଅପ୍ କରୁଥିବା ସମୟରେ ଉଦାନାଙ୍କୁ ପିଠିରେ ଆଘାତ ଲାଗିଥିଲା। ଏହି କାରଣରୁ ଭାରତ ଇନିଂସରେ ବୋଲିଂ କରିବାକୁ ଆସିନଥିଲେ।
ଏ ନେଇ ଶ୍ରୀଲଙ୍କା ଟିମର ମୁଖ୍ୟ କୋଚ୍ ମିକି ଆର୍ଥର୍ କହିଛନ୍ତି, ପ୍ରଥମତଃ ମୁଁ କୌଣସି ଡାକ୍ତର ନୁହଁ। ଡ୍ରେସିଂ ରୁମରେ ସେ (ଉଦାନା) ଖୁବ୍ ଯନ୍ତ୍ରଣା ଅନୁଭୂତ କରୁଥିଲେ। ତାଙ୍କୁ କେମିତି ଆଘାତ ଲାଗିଲା, ତାହା ମୁଁ ଜାଣିନାହିଁ। ମୁଁ କେବଳ ଏତିକି ଆଶା କରୁଛି ଯେ ସେ ୱେଷ୍ଟଇଣ୍ଡିଜ୍ ବିପକ୍ଷ ସିରିଜରେ ଖେଳିପାରିବେ।
ସୂଚନାଯୋଗ୍ୟ, ଶ୍ରୀଲଙ୍କାର ବ୍ୟସ୍ତବହୁଳ ଅନ୍ତର୍ଜାତୀୟ କାର୍ଯ୍ୟସୂଚୀ ରହିଛି ଏବଂ ଏଭଳି ସ୍ଥିତିରେ କୋଚ୍ ଆର୍ଥର୍ ଉଦାନାଙ୍କୁ ନେଇ କୌଣସି ରିସ୍କ ଉଠାଇବାକୁ ଚାହୁଁ ନାହାନ୍ତି। ଆର୍ଚର ଆହୁରି କହିଛନ୍ତି, "ଫେବୃଆରୀରେ ଆମେ ପ୍ରଚୁର କ୍ରିକେଟ୍ ଖେଳିବୁ। ଉଦାନା ଶୀଘ୍ର ଫିଟ୍ ହୁଅନ୍ତୁ ବୋଲି ଆମେ ଚାହୁଁ।"
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
