ନୂଆଦିଲ୍ଲୀ: ଆଇପିଏଲର ନବମ ସଂସ୍କରଣରେ ନୂଆ ଦଳ ଭାବେ ଉଭା ହୋଇଥିବା ପୁନେର ମୁଖ୍ୟ ପ୍ରଶିକ୍ଷକ ଭାବେ ଦାୟିତ୍ୱ ନେଇପାରନ୍ତି ନ୍ୟୁଜିଲାଣ୍ଡର ପୂର୍ବତନ ଅଧିନାୟକ ଷ୍ଟିଫେନ ଫ୍ଲେମିଂ। ଆଇପିଏଲ-୯ରୁ ବାଦ ପଡିଥିବା ଚେନ୍ନାଇ ସୁପର କିଙ୍ଗ୍ସର ମୁଖ୍ୟ କୋଚ ଭାବେ ଦାୟିତ୍ୱରେ ନିଭାଇ ଥିଲେ ଫ୍ଲେମିଂ।
ମଙ୍ଗଳବାର ପୁନେ ସିଏସକେର ଅଧିନାୟକ ମହେନ୍ଦ୍ର ସିଂହ ଧୋନିଙ୍କୁ ସର୍ବାଧିକ ଅର୍ଥରେ କିଣିଛି। ପୁନେ ଦଳ ତାଙ୍କୁ ଅଧିନାୟକ କରିପାରେ। ଏହି ଦୃଷ୍ଟିରୁ ସିଏସକେର ମୁଖ୍ୟ କୋଚଙ୍କୁ ପୁନେ ଦଳର ମୁଖ୍ୟ କୋଚ ଭାବେ ନିଯୁକ୍ତି ଦେବା ନେଇ ଚର୍ଚ୍ଚା ଜୋର ଧରିଛି।
ପୁନେ ଦଳର ମାଲିକ ସଞ୍ଜୟ ଗୋଏଙ୍କା ଆଇପିଏଲରେ ନୂଆ ମୁହଁ। ଏହି ଦୃଷ୍ଟିରୁ ଏହି ଦୁଇ ମହାରଥୀଙ୍କୁ ଦଳର ସଫଳତା ପାଇଁ ମୁଖ୍ୟ ଦାୟିତ୍ୱ ଦେଇପାରନ୍ତି। ଏନେଇ ଗୋଏଙ୍ଗାଙ୍କ ଭାଇ ହର୍ସ ଗୋଏଙ୍କା ଟ୍ୱିଟରେ ଦର୍ଶାଇଛନ୍ତି ଯେ, ପୁନେ ଦଳର ଅଧିନାୟକ ଭାବେ ଧୋନି ଓ ମୁଖ୍ୟ କୋଚ୍ ଭାବେ ଫ୍ଲେମିଂଙ୍କୁ ଅଗ୍ରାଧିକାର ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
