ନ୍ୟୁୟର୍କ: ବ୍ରିଟେନର ଜେମି ମରେ ଓ ଆମେରିକାର ବେଥାନୀ ମ୍ୟାଟେକ୍-ସ୍ୟାଣ୍ଡସ୍ ଚଳିତ ୟୁଏସ୍ ଓପନର ମିକ୍ସଡ ଡବଲ୍ସ ଟାଇଟଲ୍ ବଜାୟ ରଖିବାରେ ସଫଳ ହୋଇଛନ୍ତି। ଦୁହେଁ ଫାଇନାଲରେ ଟପ୍ ସିଡ୍ ଚାନ୍ ହାଓ-ଚିଙ୍ଗ୍ ଓ ମାଇକେଲ୍ ଭିନସଙ୍କୁ ସିଧାସଳଖ ୬-୨, ୬-୩ ସେଟରେ ପରାସ୍ତ କରି କ୍ରମାଗତ ଦ୍ୱିତୀୟଥର ପାଇଁ ୟୁଏସ୍ ଓପନରେ ଚାମ୍ପିଅନ୍ ହୋଇଛନ୍ତି।
୧୯୮୨ ପରେ ମରେ ଓ ମ୍ୟାଟେକ୍-ସାଣ୍ଡସ୍ ପ୍ରଥମ ଯୋଡ଼ିଦାର ଭାବେ ୟୁଏସ୍ ଓପନରେ ଲଗାତାର ଦ୍ୱିତୀୟଥର ପାଇଁ ମିକ୍ସଡ୍ ଡବଲ୍ସ ଟାଇଟଲ୍ ଜିତିଛନ୍ତି। ଏହା ପୂର୍ବରୁ ୧୯୮୧ ଓ ୧୯୮୨ରେ ଦକ୍ଷିଣ ଆଫ୍ରିକାର କେଭିନ୍ କୁରାନ୍ ଓ ଆମେରିକା ଆନ୍ନ ସ୍ମିଥ୍ କ୍ରଗାମତ ୟୁଏସ୍ ଓପନ୍ ଟାଇଟଲ୍ ଜିତିଥିଲେ।
ମରେ ମଧ୍ୟ ୨୦୧୭ରେ ମାର୍ଟିନା ହିଙ୍ଗିସଙ୍କ ସହ ମିଶି ୟୁଏସ୍ ଓପନ୍ ମିକ୍ସଡ୍ ଡବଲ୍ସ ଟାଇଟଲ୍ ହାତେଇଥିଲେ। ଏଥିସହ ୫୯ ବର୍ଷ ପରେ ମରେ ପ୍ରଥମ ପୁରୁଷ ଖେଳାଳି ଭାବେ ଲଗାତାର ତିନିଥର ମିକ୍ସଡ୍ ଡବଲ୍ସ ଚାମ୍ପିୟନ୍ ହୋଇଛନ୍ତି। ଏହା ପୂର୍ବରୁ ୧୯୫୮ରୁ ୧୯୬୦ ପର୍ଯ୍ୟନ୍ତ ଅଷ୍ଟ୍ରେଲିଆର ନିଏଲ୍ ଫ୍ରେଜର୍ ଏହି ସଫଳତା ହାସଲ କରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
