ମସ୍କୋ: ବିଶ୍ୱ ମହିଳା ବକ୍ସିଂ ଚାମ୍ପିୟନଶିପରେ ଭାରତୀୟ ବକ୍ସର ଯମୁନା ବୋରୋ (୫୪ କେଜି) ବିଜୟ ସହ ଅଭିଯାନ ଆରମ୍ଭ କରିଛନ୍ତି। ଶୁକ୍ରବାର ଯମୁନା ପ୍ରଥମ ରାଉଣ୍ଡରେ ମଙ୍ଗୋଲିଆର ମିଚିଡ୍ମା ଏର୍ଡେନଡଲାଇଙ୍କୁ ଏକତରଫା ଭାବେ ୫-୦ରେ ହରାଇ ପ୍ରି-କ୍ୱାର୍ଟରଫାଇନାଲରେ ପ୍ରବେଶ କରିଛନ୍ତି।
୨୨ ବର୍ଷୀୟା ଏହି ଆସାମ ବକ୍ସର ପରବର୍ତ୍ତୀ ରାଉଣ୍ଡରେ ଆଲଜେରିଆର ପଞ୍ଚମ ସିଡ୍ ଔଦାଦ୍ ଫୌଙ୍କୁ ଭେଟିବେ। ପ୍ରଥମ ରାଉଣ୍ଡରେ ବାଇ ପାଇଥିବା ଔଦାଦ୍ ୨୦୧୭ରେ ୱାର୍ଲ୍ଡ ଚାମ୍ପିୟନଶିପରେ ସ୍ୱର୍ଣ୍ଣ ପଦକ ଜିତିଥିଲେ । ତେବେ ଡେବ୍ୟୁ କରିଥିବା ଭାରତର ବୋରୋ ପ୍ରଶଂସନୀୟ ପ୍ରଦର୍ଶନ କରିଥିଲେ। ଏହି ଭାରତୀୟ ବକ୍ସର ଶେଷ ତିନି ମିନିଟରେ ପ୍ରତିପକ୍ଷ ବକ୍ସରଙ୍କୁ ଘନଘନ ଆକ୍ରମଣ କରିଥିଲେ।
ଶନିବାର ପୂର୍ବତନ ଜାତୀୟ ଚାମ୍ପିୟନ୍ ନୀରଜ (୫୭ କେଜି), ପୂର୍ବତନ ରୌପ୍ୟ ପଦକ ବିଜେତା ସାୱିଟୀ ବୁରା (୭୫ କେଜି) ରିଙ୍ଗକୁ ଓହ୍ଲାଇବେ। ନୀରଜ ନିଜର ପ୍ରଥମ ରାଉଣ୍ଡରେ ଚାଇନାର କିଆଓ ଜିଏରୁ ଏବଂ ସାୱିଟୀ ମଙ୍ଗୋଲିଆର ମ୍ୟାଗମାର୍ଜାରଗାଲ ମୁଙ୍କବାତଙ୍କୁ ଭେଟିବେ। ଚଳିତ ଚାମ୍ପିୟନଶିପରେ ୫୭ଟି ଦେଶର ମୋଟ ୨୨୪ଜଣ ବକ୍ସର ଭାଗ ନେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
