ପୁଣେ: ଦୀର୍ଘ ଚାରିମାସ ପରେ ଜାତୀୟ ଦଳକୁ ପ୍ରତ୍ୟାବର୍ତ୍ତନ କରିଥିବା ଭାରତୀୟ ପେସ୍ ବୋଲର ଯଶପ୍ରୀତ ବୁମ୍ରା ଆସନ୍ତାକାଲି ଶ୍ରୀଲଙ୍କା ବିପକ୍ଷ ଟି-୨୦ ସିରିଜର ତୃତୀୟ ତଥା ଅନ୍ତିମ ମ୍ୟାଚରେ ବଡ଼ ରେକର୍ଡ କରିପାରନ୍ତି। ବୁମ୍ରା ଟି-୨୦ ଫର୍ମାଟରେ ଏପର୍ଯ୍ୟନ୍ତ ୫୨ ୱିକେଟ୍ ନେଇସାରିଛନ୍ତ।
ଶୁକ୍ରବାର ଯଦି ବୁମ୍ରା ଆଉ ଗୋଟିଏ ୱିକେଟ୍ ନେବାରେ ସଫଳ ହେଲେ, ତାହେଲେ ସେ ଟି-୨୦ରେ ସେ ଭାରତର ସର୍ବାଧିକ ୱିକେଟ୍ ଟେକର ବୋଲର ହେବେ। ବର୍ତ୍ତମାନ ବୁମ୍ରା ସର୍ବାଧିକ ୱିକେଟ୍ ନେବା ମାମଲାରେ ରବିଚନ୍ଦ୍ରନ୍ ଅଶ୍ୱିନ୍ ଓ ୟୁଜବେନ୍ଦ୍ର ଚହଲଙ୍କ ସହ ସମକକ୍ଷ ହୋଇଛନ୍ତି। ଉଭୟ ଅଶ୍ୱିନ୍ (୪୬ ମ୍ୟାଚ୍, ଓ ଚହଲ୍ (୩୬ ମ୍ୟାଚ୍) ମଧ୍ୟ ୫୨ଟି ଲେଖାଏ ୱିକେଟ୍ ନେଇଛନ୍ତି।
ଯେହେତୁ ଆସନ୍ତାକାଲିର ମ୍ୟାଚରେ ଚହଲଙ୍କର ଖେଳିବାର ସମ୍ଭାବନା ନାହିଁ, ତେଣୁ ବୁମ୍ରା ଗୋଟିଏ ୱିକେଟ୍ ନେଇ ରେକର୍ଡ କରିବାକୁ ଚାହିଁବେ। ସୂଚନାଯୋଗ୍ୟ, ଇନ୍ଦୋରରେ ଟି-୨୦ ମ୍ୟାଚ୍ ଖେଳି ବୁମ୍ରା ଅନ୍ତର୍ଜାତୀୟ କ୍ରିକେଟକୁ ପ୍ରତ୍ୟାବର୍ତ୍ତନ କରିଥିଲେ। ଏହି ମ୍ୟାଚରେ ସେ ୩୨ ରନ୍ ଦେଇ ମାତ୍ର ଗୋଟିଏ ୱିକେଟ୍ ନେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
