ବେଙ୍ଗାଲୁରୁ: କର୍ଣ୍ଣାଟକା ପ୍ରିମିୟର ଲିଗ୍(କେପିଏଲ୍)ରେ ଭାଗ ନେଇଥିବା ଗୋଟିଏ ଦଳର ମାଲିକଙ୍କୁ ଆଜି ବେଟିଂ ପାଇଁ ପୁଲିସ୍ ଗିରଫ କରିଛି। ଉକ୍ତ ମାଲିକଙ୍କ ନାଁ ଆଶଫାକ ଅଲୀ ଥରର। ସେ ଦୁବାଇରେ ଥିବା ଜଣେ ବୁକିଙ୍କ ସହ ବେଟିଂ କରିଥିବା ଜଣାପଡ଼ିଛି।
ଏହି ଘଟଣା ସାମ୍ନାକୁ ଆସିବା ପରେ ବିସିସିଆଇ ଭାରତରେ ହେଉଥିବା ସମସ୍ତ ଘରୋଇ ଟୁର୍ଣ୍ଣାମେଣ୍ଟରେ ଫିକ୍ସିଂ ହେଉଛି କି ନାହିଁ, ତା’ର ଛାନଭିନ୍ ଆରମ୍ଭ କରିଛି। ଆଶଫାକ ଦୁବାଇରେ ହେଉଥିବା ଟି-୧୦ ଟୁର୍ଣ୍ଣାମେଣ୍ଟର ଗୋଟିଏ ଟିମ୍ ମଧ୍ୟ କିଣିଛନ୍ତି। ଏବେ ପୁଲିସ୍ ତାଙ୍କୁ ଫିକ୍ସିଂ ସମ୍ପର୍କରେ ମଧ୍ୟ ପଚରାଉଚରା କରୁଛି।