ନୂଆଦିଲ୍ଲୀ: ପୂର୍ବତନ ୱିକେଟ୍ କିପର ତଥା ବ୍ୟାଟ୍ସମ୍ୟାନ ସୟଦ କିରମାନିଙ୍କୁ ଗୁରୁବାର ‘ବିସିସିଆଇ ଲାଇଫ୍ ଟାଇମ୍ ଅଚିଭମେଣ୍ଟ ଆୱାର୍ଡ’ ବା ‘କର୍ଣ୍ଣେଲ.ସି.କେ ନାଇଡୁ ଲାଇଫଟାଇମ୍ ଆଚିଭମେଣ୍ଟ ଆୱାର୍ଡ-୨୦୧୫’ ଦିଆଯିବାକୁ ମନୋନୀତ କରାଯାଇଛି।
ଆଜି ପୁରସ୍କାର କମିଟିର ବୈଠକରେ କିରମାନିଙ୍କୁ ଏହି ପୁରସ୍କାର ଦିଆଯିବା ନେଇ ସର୍ବସମ୍ମତିକ୍ରମେ ନିଷ୍ପତ୍ତି ହୋଇଥିଲା। ଏହି କମିଟିରେ ବିସିସିଆଇର ସଭାପତି ଶଶାଙ୍କ ମନୋହର, ସମ୍ପାଦକ ଅନୁରାଗ ଠାକୁର ଓ ଇଂରେଜି ଖବର କାଗଜ ‘ଦ ହିନ୍ଦୁ’ର ସମ୍ପାଦକ ଏନ.ରାମ୍ ରହିଛନ୍ତି। ମୁମ୍ବାଇରେ ଥିବା ବିସିସିଆଇ ମୁଖ୍ୟାଳୟରେ କମିଟିର ବୈଠକ ବସିଥିଲା।
ପୁରସ୍କାର ବାବଦକୁ ତାଙ୍କୁ ଗୋଟିଏ ଟ୍ରଫି, ମାନପତ୍ର ଓ ୨୫ ଲକ୍ଷ ଟଙ୍କା ପ୍ରଦାନ କରାଯିବ।
୧୯୭୬ ମସିହାରେ ନ୍ୟୁଜିଲାଣ୍ଡ ବିପକ୍ଷରେ ସୟଦ କିରମାନି ଟେଷ୍ଟ ଡେବ୍ୟୁ କରିଥିଲେ। ଏହି ମ୍ୟାଚରେ ୱିକେଟ୍ କିପର ଭାବେ ତାଙ୍କର ଜଲୱା ଦେଖିବାକୁ ମିଳିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।