କଲମ୍ବୋ: ସୁରକ୍ଷା କାରଣରୁ ପାକିସ୍ତାନ ଗସ୍ତ କରିନଥିବା ଶ୍ରୀଲଙ୍କାର ନିୟମିତ ଟି-୨୦ କ୍ୟାପଟେନ୍ ଲସିଥ୍ ମାଲିଙ୍ଗା ଆଗାମୀ ଅଷ୍ଟ୍ରେଲିଆ ବିପକ୍ଷ ସିରିଜ୍ ପାଇଁ ୧୬ଜଣିଆ ଟିମକୁ ଫେରିଛନ୍ତି। ଏହି ଗସ୍ତ ପାଇଁ ମାଲିଙ୍ଗାଙ୍କୁ କ୍ୟାପଟେନ୍ କରାଯାଇଛି। ସେହିପରି ପାକିସ୍ତାନ ଗସ୍ତରୁ ଓହରିଥିବା କୁଶଲ ପରେରା ଓ ନିରୋଶାନ୍ ଡିକୱେଲାଙ୍କୁ ମଧ୍ୟ ଅଷ୍ଟ୍ରେଲିଆ ବିପକ୍ଷ ଟି-୨୦ ପାଇଁ ଜାତୀୟ ସ୍କ୍ୱାଡରେ ସାମିଲ୍ କରାଯାଇଛି।
ପାକିସ୍ତାନ ଗସ୍ତରେ ଶ୍ରୀଲଙ୍କା ଟି-୨୦ ଟିମର ନେତୃତ୍ୱ ନେଇଥିବା ଦାସୁନ ଶନକା ନିଜ ସ୍ଥାନ ବଜାୟ ରଖିଛନ୍ତି। ପାକିସ୍ତାନ ଗସ୍ତରେ ଶ୍ରୀଲଙ୍କା ତିନିମ୍ୟାଚ୍ ବିଶିଷ୍ଟ ଟି-୨୦ ସିରିଜକୁ କ୍ଲିନସୁଇପ୍ କରିଥିଲା। ଅଷ୍ଟ୍ରେଲିଆ ଗସ୍ତରେ ମଧ୍ୟ ଶ୍ରୀଲଙ୍କା ତିନୋଟି ଟି-୨୦ ମ୍ୟାଚ୍ ଖେଳିବ। ସିରିଜର ପ୍ରଥମ ମ୍ୟାଚ୍ ଆସନ୍ତା ୨୭ ତାରିଖରେ ଆଡିଲେଡ୍ ଓଭାଲରେ ଖେଳାଯିବାକୁଥିବା ବେଳେ ଅକ୍ଟୋବର ୩୦ ତାରିଖରେ ବ୍ରିସବେନରେ ଦ୍ୱିତୀୟ ମ୍ୟାଚ୍ ଏବଂ ନଭେମ୍ବର ୧ ତାରିଖରେ ମେଲବର୍ଣ୍ଣରେ ତୃତୀୟ ମ୍ୟାଚ୍ ଖେଳାଯିବ।
ଶ୍ରୀଲଙ୍କା ଟି-୨୦ ସ୍କ୍ୱାଡ୍: ଲସିଥ୍ ମାଲିଙ୍ଗା (କ୍ୟାପଟେନ୍), କୁଶଲ ପରେରା, କୁଶଲ ମେଣ୍ଡିସ୍, ଦନୁସ୍କା ଗୁଣତିଳକ, ଅଭିସ୍କା ଫର୍ଣ୍ଣାଣ୍ଡୋ, ନିରୋଶାନ୍ ଡିକୱେଲା, ଦାସୁନ୍ ଶନକା, ଶେହାନ୍ ଜୟସୁରିୟା, ଭାନୁକା ରାଜପାକସା, ଓଶାଡା ଫର୍ଣ୍ଣାଣ୍ଡୋ, ୱାନିନ୍ଦୁ ହସରଙ୍ଗା, ଲକସନ୍ ସାଣ୍ଡାକାନ୍, ନୁୱନ୍ ପ୍ରଦୀପ, ଲାହିରୁ କୁମାରା, ଇସୁରୁ ଉଦାନା, କାସୁନ୍ ରଜିତା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
