ମନ୍‌ପ୍ରୀତ୍‌ ସିଂହ ଅଧିନାୟକ; ଓଡ଼ିଶାରୁ କେହି ନାହାନ୍ତି

ନୂଆଦିଲ୍ଲୀ: ଆସନ୍ତା ଅକ୍ଟୋବର ୧୮ ରୁ ୨୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ଏସିଆନ୍‌ ଚାମ୍ପିଅନ୍‌ସ ଟ୍ରଫି ହକି। ଓମାନ୍‌ର ମସ୍କଟ୍‌ରେ ଖେଳା ଯିବ ଏହି ଚାମ୍ପିଅନ୍ସ ଟ୍ରଫି। ଏହି ଟ୍ରଫି ପାଇଁ ବୁଧବାର ୧୮ ଜଣିଆ ଭାରତୀୟ ପୁରୁଷ ଦଳ ଘୋଷଣା କରାଯାଇଛି। ପିଆର୍ ଶ୍ରୀଜେସ୍‌ଙ୍କ ବଦଳରେ ମନ୍‌ପ୍ରୀତ୍ ସିଂହଙ୍କୁ ଦଳର ନେତୃତ୍ୱ ଦାୟିତ୍ୱ ମିଳିଛି। ଚିଙ୍ଗଲେନ୍‌ସାନା ସିଂହଙ୍କୁ ଉପ-ଅଧିନାୟକ କରାଯାଇଛି। ତେବେ ଏ ଦଳରେ ଜଣେ ହେଲେ ଓଡ଼ିଆ ଖେଳାଳିଙ୍କୁ ସାମିଲ କରାଯାଇ ନାହିଁ। […]

manpreet

manpreet

Jitendra Garnayak
  • Published: Thursday, 27 September 2018
  • Updated: 27 September 2018, 08:35 AM IST

Sports

Latest News

ନୂଆଦିଲ୍ଲୀ: ଆସନ୍ତା ଅକ୍ଟୋବର ୧୮ ରୁ ୨୮ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ ଏସିଆନ୍‌ ଚାମ୍ପିଅନ୍‌ସ ଟ୍ରଫି ହକି। ଓମାନ୍‌ର ମସ୍କଟ୍‌ରେ ଖେଳା ଯିବ ଏହି ଚାମ୍ପିଅନ୍ସ ଟ୍ରଫି।

ଏହି ଟ୍ରଫି ପାଇଁ ବୁଧବାର ୧୮ ଜଣିଆ ଭାରତୀୟ ପୁରୁଷ ଦଳ ଘୋଷଣା କରାଯାଇଛି। ପିଆର୍ ଶ୍ରୀଜେସ୍‌ଙ୍କ ବଦଳରେ ମନ୍‌ପ୍ରୀତ୍ ସିଂହଙ୍କୁ ଦଳର ନେତୃତ୍ୱ ଦାୟିତ୍ୱ ମିଳିଛି। ଚିଙ୍ଗଲେନ୍‌ସାନା ସିଂହଙ୍କୁ ଉପ-ଅଧିନାୟକ କରାଯାଇଛି। ତେବେ ଏ ଦଳରେ ଜଣେ ହେଲେ ଓଡ଼ିଆ ଖେଳାଳିଙ୍କୁ ସାମିଲ କରାଯାଇ ନାହିଁ। ଫଳରେ ବିଶ୍ୱକପ୍ ଆୟୋଜନ କରୁଥିବା ଓଡ଼ିଶାକୁ ଏହା ନିରାଶ କରିଛି।

ଏହି ଟ୍ରଫିରେ ଭାରତ ସହିତ ମାଲେସିଆ, ପାକିସ୍ତାନ, କୋରିଆ, ଜାପାନ ଓ ଆୟୋଜକ ଓମାନ୍ ପ୍ରମୁଖ ଭାଗ ନେବେ।

ଅକ୍ଟୋବର ୧୮ ତାରିଖରେ ଭାରତ ତା’ର ପ୍ରଥମ ମ୍ୟାଚ୍ ଓମାନ୍ ସହିତ ଖେଳିବ। ତା’ପରେ ଦଳ ୨୦ ତାରିଖରେ ପାକିସ୍ତାନ ସହ, ୨୧ରେ ଜାପାନ, ୨୩ରେ ମାଲେସିଆ ଓ ୨୪ରେ କୋରିଆ ସହ ଲିଗ୍ ପର୍ଯ୍ୟାୟ ମ୍ୟାଚ୍ ଖେଳିବ।

ଏହା ପୂର୍ବରୁ ୨୦୧୬ରେ ମାଲେସିଆରେ ଖେଳା ଯାଇଥିବା ଏସିଆନ୍‌ ଚାମ୍ପିଅନ୍‌ସ ଟ୍ରଫି ହକିରେ ଭାରତ ଚାମ୍ପିଅନ୍ ହୋଇଥିଲା। ଦଳ ପାକିସ୍ତାନକୁ ୩-୨ ଗୋଲ୍‌ରେ ପରାସ୍ତ କରିଥିଲା।

ଭାରତୀୟ ଦଳ- ପିଆର୍‌ ଶ୍ରୀଜେସ୍‌ ଓ କୃଷ୍ଣ ବାହାଦୂର ପାଠକ (ଗୋଲ୍‌ ରକ୍ଷକ), ହର୍‌ମନ୍‌ପ୍ରୀତ୍ ସିଂହ, ଗୁରିନ୍ଦର ସିଂହ, ବରୁଣ କୁମାର, କୋଠାଜିତ୍ ସିଂହ ଖାଡ଼ାଙ୍ଗବାମ୍, ସୁରେନ୍ଦ୍ର କୁମାର, ଜର୍ମନ୍‌ପ୍ରୀତ୍ ସିଂହ, ହାର୍ଦିକ ସିଂହ (ଡିଫେଣ୍ଡର୍ସ), ମନପ୍ରୀତ୍ ସିଂହ (ଅଧିନାୟକ), ସୁମିତ୍, ନୀଳକଣ୍ଠ ଶର୍ମା, ଚିଙ୍ଗଲନ୍‌ସାନା ସିଂହ କଙ୍ଗୁଜାମ୍ (ଉପ-ଅଧିନାୟକ),ଲଳିତ କୁମାର ଉପାଧ୍ୟାୟ (ମିଡ୍‌ଫିଲ୍ଡର୍ସ) ଆକାଶ୍‌ଦୀପ୍ ସିଂହ, ଗୁର୍‌ଜାଣ୍ଟ ସିଂହ, ମନ୍‌ଦୀପ୍ ସିଂହ, ଦିଲ୍‌ପ୍ରୀତ୍ ସିଂହ (ଫର୍‌ୱାର୍ଡସ୍‌)।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos