ସୁପର ସଣ୍ଡେରେ ସୁପର ଫନ୍: କ୍ରିକେଟ୍ ମଇଦାନରେ ଲଢ଼ିଲେ ନେତା, ପ୍ରଶାସକ ଓ ସାମ୍ବାଦିକ

ଭୁବନେଶ୍ୱର (ଓଡ଼ିଶା ରିପୋର୍ଟର): ଟାଟାଷ୍ଟିଲ ଫ୍ରେଣ୍ଡସିପ୍ କପରେ ବାଜି ମାରିଲା ମିଡ଼ିଆ ଏକାଦଶ। ପ୍ରଶାସକ ଏକାଦଶକୁ ହରାଇ ଚାମ୍ପିଅନ ହୋଇଛି ମିଡିଆ ଇଲେଭେନ୍। ସୁପର ସଣ୍ଡରେ ଆଜି ରାଜଧାନୀରେ ଦେଖିବାକୁ ମିଳିଥିଲା ସୁପର ଫନ୍।

କ୍ରିକେଟ୍ ଫିଲ୍ଡରେ ଏକାଠି ହୋଇଥିଲେ ନେତା, ପ୍ରଶାସକ ଓ ଗଣମାଧ୍ୟମ ପ୍ରତିନିଧି। ଏଠି ନଥିଲା ରାଜନୈତିକ ବୟାନ ବାଜି କି ଆରୋପ ପ୍ରତ୍ୟାରୋପ। ଟିମ୍ ସ୍ପିରିଟ୍ ନେଇ ଏକ ହୋଇ ସମସ୍ତେ ଓହ୍ଲାଇଥିଲେ ମଇଦାନକୁ। ଟାଟା ଷ୍ଟିଲ୍ ପକ୍ଷରୁ ଭୁବନେଶ୍ୱରରେ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟ ଆଣି ଦେଇଥିଲା ଏଭଳି ନିଆରା ଅନୁଭୁତି। ବ୍ୟସ୍ତବହୁଳ କାର୍ଯ୍ୟସୂଚୀରୁ ଟିକେ ଫୁରୁସତ ମିଳିଥିବାରୁ ସମସ୍ତେ ଏହାକୁ ମନଭରି ଉପଭୋଗ କରିଥିଲେ। ଭାବର ଆଦାନ ପ୍ରଦାନ ସହ ସମୟ ହାଲକା ଫୁଲକା ପରିବେଶର ମଜା ବି ଉଠାଇଥିଲେ।

ରାଜନେତା ଏକାଦଶକୁ ହରାଇ ଫାଇନାଲକୁ ଯାଇଥିଲା ମିଡିଆ ଏକାଦଶ। ସେହିପରି ଟାଟା ଷ୍ଟିଲ୍କୁ ହରାଇ ଫାଇନାଲରେ ପହଞ୍ଚିଥିଲା ପ୍ରଶାସକ ଏକାଦଶ। ଫାଇନାଲ ସଂଘର୍ଷପୂର୍ଣ୍ଣ ହୋଇଥିଲା ତେବେ ପ୍ରଶାସକ ଏକାଦଶକୁ ୬ ଓ୍ୱିକେଟରେ ମାତ୍ ଦେଇ ବାଜି ମାରିନେଇଥିଲା ମିଡିଆ ଏକାଦଶ।