ମୁମ୍ବାଇ: ମହାନ ସ୍ପିନ୍ ବୋଲର୍ ଅନୀଲ କୁମ୍ବଲେ ମୁମ୍ବାଇ ଇଣ୍ଡିଆନ୍ସର ଚିଫ୍ ମେଣ୍ଟର ପଦବୀରୁ ସୋମବାର ଇସ୍ତଫା ଦେଇଛନ୍ତି। ୨୦୧୩ ମସିହା ଜାନୁୟାରୀରୁ ସେ ମୁମ୍ବାଇ ଇଣ୍ଡିଆନ୍ସ ସହ ସମ୍ପୃକ୍ତ ଥିଲେ। ସେ କ୍ରୀଡ଼ା ଓ କ୍ରିକେଟ୍ କ୍ଷେତ୍ରରେ ଥିବା ଅନ୍ୟ ସୁଯୋଗଗୁଡ଼ିକରେ କାମ କରିବାକୁ ଚାହୁଁଥିବାରୁ ଏହି ପଦବୀରୁ ଇସ୍ତଫା ଦେଇଛନ୍ତି।
ଅନୀଲଙ୍କ ଇସ୍ତଫା ପରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ କୁହାଯାଇଛି ଯେ ମୁମ୍ବାଇ ଇଣ୍ଡିଆନ୍ସ ତାଙ୍କ ପ୍ରତି କୃତଜ୍ଞ। ଦେଶରେ ଉଭୟ ଟେଷ୍ଟ୍ ଓ ଦିନିକଆରେ ସର୍ବାଧିକ ୱିକେଟ୍ ନେଇଥିବା ଅନୀଲ ମୁମ୍ବାଇ ଇଣ୍ଡିଆନ୍ସକୁ ଦୃଢ଼ କରିବାରେ ଉଲ୍ଲେଖନୀୟ ଭୂମିକା ଗ୍ରହଣ କରିଥିଲେ। ମେଣ୍ଟର ହିସାବରେ ତାଙ୍କର ପ୍ରଥମ ବର୍ଷରେ ୨୦୧୩ରେ ମୁମ୍ବାଇ ଇଣ୍ଡିଆନ୍ସ ଆଇପିଏଲ୍ ଚାମ୍ପିଅନ୍ ହୋଇଥିଲା। ଦଳ ୨୦୧୫ରେ ପୁଣି ଥରେ ଚାମ୍ପିଅନ୍ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।