ନାଗପୁର : ନାଗପୁର ଟେଷ୍ଟରେ ଦ୍ୱିଶତକ ହାସଲ କରିଛନ୍ତି ଟିମ୍ ଇଣ୍ଡିଆ ଅଧିନାୟକ ବିରାଟ କୋହଲି। ଏହା କୋହଲିଙ୍କ ପଞ୍ଚମ ଦ୍ୱିଶତକ । ଏଥିସହ ଗୋଟିଏ କ୍ୟାଲେଣ୍ଡର ଇୟରରେ ଅଧିନାୟକ ଭାବରେ ୧୦ଟି ଆନ୍ତର୍ଜାତିକ ଶତକ ହାସଲ କରିବାର ରେକର୍ଡ କରିଛନ୍ତି କୋହଲି । ବିରାଟ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଓ ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଗ୍ରେମ ସ୍ମିଥଙ୍କ ରେକର୍ଡକୁ ମଧ୍ୟ ଭାଙ୍ଗିଛନ୍ତି। ସେପଟେ ନାଗପୁର ଟେଷ୍ଟରେ ମଜବୁତ ସ୍ଥିତିରେ ପହଞ୍ଚିଛି ଟିମ୍ ଇଣ୍ଡିଆ।
ଭାରତ ଏହାର ଦ୍ୱିତୀୟ ଦିନର ସ୍କୋର ୩୧୨ ରନରୁ ଖେଳ ଆରମ୍ଭ କରି କେବଳ ଚେତେଶ୍ୱର ପୂଜାରାଙ୍କ ଓ୍ୱିକେଟ୍ ହରାଇଛି। କ୍ୟାରିୟରର ୧୪ ତମ ଟେଷ୍ଟ ଶତକ ହାସଲ କରିଥିବା ପୂଜାରା ୧୪୩ ରନ କରି ଆଉଟ୍ ହୋଇଛନ୍ତି। ପୂର୍ବରୁ ଶ୍ରୀଲଙ୍କା ପ୍ରଥମ ଇନିଂସରେ ୨୦୫ରନରେ ଅଲ ଆଉଟ ହୋଇଥିଲା। ଜବାବରେ ଭାରତ ୬୧୦ରନ୍ କରି ପାଳି ଘୋଷଣା କରିଛି। ଏଥି ସହିତ ଭାରତ ୪୦୫ ରନ୍ରେ ଅଗ୍ରଣୀ ରହିଛି। ଦ୍ୱିତୀୟ ରାଉଣ୍ଡରେ ଶ୍ରୀଲଙ୍କା ଖେଳ ଶେଷ ବେଳକୁ ଗୋଟିଏ ଉଇକେଟ ହରାଇ ୨୧ ରନ୍ ସଂଗ୍ରହ କରିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
